O obxectivo deste curso de acollemento lingüístico é facilitarlles ás persoas inmigrantes e emigrantes retornadas a súa integración na sociedade galega, a través de información histórica e sociocultural de Galicia e da adquisición de competencias básicas en galego.

Fonte: Consello da Cultura Galega

A Mesa pola Normalización Lingüística e o sindicato CIG convocaron un acto de protesta ante a sede do Valedor do Pobo para pedir a dimisión da súa titular, Milagros Otero, por amparar a vulneración dos dereitos lingüísticos dos galegos.

Fonte: Galicia Confidencial

O I Certame de Música Galega da Universidade de Santiago de Compostela (USC) xa ten finalistas: “Dúas andoriñas”, de Guille LP; “No monte da pastora”, de Leda Atómica; e mais “Só nós”, de Noemia, son as tres propostas elixidas.

Fonte: O Portal da Lingua Galega

A Consellería de Cultura sumouse, representada no seu secretario xeral de Política Lingüística, Valentín García, ao acto de homenaxe do Centro PEN Galicia e mais do Ateneo ao escritor Víctor Campio Pereira González.

Fonte: O Portal da Lingua Galega

O Portal da Lingua Galega e mais o Portal Educativo da Xunta de Galicia veñen de publicar a nova convocatoria do Concurso-Exposición Letras Galegas, que cada ano se leva adiante co obxectivo de potenciar o coñecemento do autor ou autora homenaxeada o 17 de maio, da situación sociolingüística que lle tocou vivir e, en xeral, da súa época histórica.

Fonte: O Portal da Lingua Galega

Os gañadores da segunda edición deste certame son as formacións musicais "Os nenos da vella" da Coruña e "Máis boas cás patacas" de Teo. Con este concurso a Deputación da Coruña busca fomentar o uso da lingua galega e potenciar a creatividade poética e musical da mocidade.

Fonte: Deputación da Coruña

A nova edición do Obradoiro para o acollemento lingüístico e cultural está destinada a persoas nacidas fóra de Galicia co obxectivo de que se aproximen á lingua e á cultura galegas.

Fonte: Consello da Cultura Galega

Con este convenio de colaboración, que terá unha vixencia dun ano, a Deputación de Lugo pretende contribuír ao funcionamento da Real Academia Galega, principalmente, da súa operatividade tecnolóxica.

Fonte: Código Cero

Co obxectivo de darlle a coñecer á cidadanía a presenza do Pergamiño Vindel en Galicia, a Universidade de Vigo puxo en marcha unha nova actividade, a dramatización dun cantar de cego, que levará a 22 vilas galegas.

Fonte: Universidade de Vigo

A Mesa pola Normalización Lingüística denunciou o Servizo Galego de Saúde (Sergas) por excluír a lingua galega na realización dunhas enquisas.

Fonte: ABC