Galicia
Román Rodríguez comparte co alumnado do CPI Domingo Fontán, en Portas, a celebración do Día da Ciencia en galego
O conselleiro de Cultura, Educación e Ordenación Universitaria, Román Rodríguez, compartiu co alumnado do CPI Domingo Fontán, de Portas, o acto do Día da Ciencia en Galego, no marco do mes dedicado a esta efeméride e que este ano ten como protagonista ao científico Domingo Fontán Rodríguez, que elaborou o primeiro mapa topográfico-científico de Galicia.
Fonte: O Portal da Lingua Galega
Denuncian que a aseguradora Génesis non considera oficial a lingua galega
A Mesa pola Normalización Lingüística denuncia que a aseguradora Génesis se negou a facilitarlle a un cliente a póliza en lingua galega, aínda que si lle ofreceron facela en español ou en inglés.
Fonte: Galicia Confidencial
Preséntase unha publicación sobre o cambio lingüístico no galego actual
A obra Estudos sobre o cambio lingüístico no galego actual, elaborada polo Instituto da Lingua Galega e o Consello da Cultura Galega, recompila investigacións sobre o cambio lingüístico elaboradas desde unha perspectiva multidisciplinar.
Fonte: Consello da Cultura Galega
O bUSCatermos celebra o seu quinto aniversario con máis contidos e maiores posibilidades de consulta
O bUSCatermos, unha base de datos en liña de terminoloxía técnica posta en marcha pola Universidade de Santiago, celebra cinco anos en aberto e os seus responsables fan balance das melloras no servizo, como o incremento de contidos ou a posibilidade de consulta desde dispositivos Android ou iOS.
Fonte: Código Cero
O Portal das Palabras é un dos candidatos ao Premio do Público do Culturgal
O Portal das Palabras, unha iniciativa da Real Academia Galega e a Fundación Barrié, é un dos candidatos ao Premio do Público Culturgal 2017, xunto co Festival Play-Doc de Tui e o Festival Internacional de Outono de Teatro de Carballo.
Fonte: Portal das Palabras
Xa está en marcha o tradicional concurso de panxoliñas en galego organizado polo Concello de Zas
O Concello de Zas pon en marcha un ano máis o seu concurso PanxoliñaZAS, co obxectivo de fomentar a creatividade e o uso da tecnoloxía en galego nos espazos de lecer propios do Nadal.
Fonte: Consello da Cultura Galega
Codeseda Viva, Carme Vaquero e Mario Franco reciben os XVII Premios San Martiño de Normalización
O secretario xeral de Política Lingüística, Valentín García, participou na entrega dos XVII Premios San Martiño de Normalización que se celebrou no teatro Principal da Estrada.
Fonte: O Portal da Lingua Galega
Valentín García participa en Madrid na presentación da 'Guía ilustrada das igrexas de Santiago de Compostela'
O secretario xeral de Política Lingüística, Valentín García, acompañou á historiadora Marta González na presentación da 'Guía ilustrada das igrexas de Santiago de Compostela', nun acto que se celebrou na Casa de Galicia e no que tamén participou o delegado da Xunta en Madrid, José Ramón Ónega.
Fonte: O Portal da Lingua Galega
A oralidade centra as X Xornadas de actualización docente de portugués lingua estranxeira
O secretario xeral de Política Lingüística, Valentín García, participou, no Centro Camões de Vigo, na inauguración das X Jornadas de Atualização Docente de PLE (português língua estrangeira).
Fonte: O Portal da Lingua Galega
Xunta, Parlamento e Foro Enrique Peinador entregan os XXIV Premios de Publicidade en Galego
O Parlamento de Galicia acolleu a entrega dos XXIV Premios de Publicidade en Galego, convocados pola Xunta de Galicia a través da Secretaría Xeral de Política Lingüística, polo Parlamento de Galicia e polo Foro Enrique Peinador. Os galardóns recoñecen o traballo realizado a prol da normalización lingüística por parte de empresas e entidades que publicitan os seus produtos en galego nos medios de comunicación, así como das axencias que elaboran os anuncios para elas.
Fonte: O Portal da Lingua Galega
Boletín
Subscríbase ao boletín
