O libro en galego Lendo lendas, digo versos de Antonio Teijeiro e Antonio Reigosa entrará na lista de obras infantís e xuvenís da IBBY, a organización máis prestixiosa do mundo en libro infantil e xuvenil.

Fonte: Cultura Galega

A Universidade de Santiago de Compostela está a piques de pechar o prazo para a presentación de candidaturas ao primeiro premio Luís Porteiro Garea de promoción e uso do galego.

Fonte: Xornal da USC

O grupo de investigadoras e investigadores da Facultade de Filoloxía e Tradución da Universidade de Vigo (BITRAGA) presentou un volume colectivo de máis de 350 páxinas no que se fai un pormenorizado retrato do sector da tradución literaria en España e revela que as literaturas das comunidades con lingua propia (Cataluña, Galicia e País Vasco) comezan a espertar interese no exterior.

Fonte: Galicia Confidencial

Uxía Senlle e Sérgio Tannus ofreceron unha charla-concerto sobre tradición musical galega ao alumnado que asiste aos cursos "Galego sen fronteiras' organizados pola Universidade de Santiago de Compostela, a Real Academia Galega e a Secretaría Xeral de Política Lingüística.

Fonte: RAG

O secretario xeral de Política Lingüística, Valentín García, presentou xunto co director científico do Centro Ramón Piñeiro para a Investigación en Humanidades (CRPIH) e director do proxecto de investigación CoToVía, Manuel González, a versión definitiva do sintetizador de voz homónimo, unha ferramenta informática que permite a conversión dun texto escrito en galego nunha cadea oral.

Fonte: O Portal da Lingua Galega

O secretario xeral de Política Lingüística participou na presentación compostelá da campaña a prol dun consumo responsable e solidario impulsada polo Foro Enrique Peinador e pola Irgade coa colaboración da Secretaría Xeral de Política Lingüística.

Fonte: O Portal da Lingua Galega

O conselleiro de Cultura, Educación e Ordenación Universitaria, Román Rodríguez, participou na homenaxe que a VIII Festa da Palabra lle rendeu a Carlos Casares na Insua dos Poetas, na localidade ourensá do Carballiño. A cita, xa consolidada na axenda cultura do verán en Galicia, recorda neste 2017 a figura do homenaxeado co Día das Letras Galegas, Carlos Casares.

Fonte: O Portal da Lingua Galega

O conselleiro de Cultura, Educación e Ordenación Universitaria, Román Rodríguez, participou na Casa da Matanza no acto de conmemoración do 132 aniversario do pasamento de Rosalía de Castro, no que destacou a importancia do legado literario, ético e emocional da precursora das nosas letras para o desenvolvemento de Galicia.

Fonte: O Portal da Lingua Galega

O conselleiro de Cultura, Educación e Ordenación Universitaria, Román Rodríguez, avanzou os datos provisionais de novos centros plurilingües para o vindeiro curso 2017/18 con motivo dunha visita a unha estadía de inmersión lingüística en inglés en Culleredo. En concreto, un total de 81 centros terán por primeira vez o próximo curso plurilingüismo en Infantil. No caso de bacharelato, serán catro centros os que, tamén por primeira vez, apliquen este modelo.

Fonte: Xunta de Galicia

Tras media década de traballos, a Casa da Matanza, casa museo de Rosalía de Castro, reabriu as súas portas coa estrea de espazos e novas perspectivas sobre a poeta.

Fonte: Praza Pública

i