O Partido Democrático dos Pobos (HDP, polas súas siglas en turco) pediu no Parlamento de Turquía que converta o Día da Lingua Kurda (15 de maio) en festa nacional.

Fonte: Ahval

Entidades galegas de países como Chile, Alemaña, Suíza, Arxentina e Venezuela e de diversas rexións de España celebrarán o Día das Letras Galegas cunha videoconferencia que contará coa presenza de representantes de institucións galegas.

Fonte: La Región Internacional

A República de Turquía celebra o 743 aniversario da súa lingua como idioma oficial.

Fonte: Hürriyet Daily News

A recente aprobación da nova lei de unidade étnica na Rexión Autónoma do Tíbet terá un impacto negativo na promoción e salvagarda da cultura e lingua tibetanas.

Fonte: The Tibet Post

As persoas indíxenas de México e Guatemala que viven en California e descoñecen o inglés e o español non conseguen estar ben informadas sobre a pandemia do coronavirus pola falta de información nas súas linguas de orixe. A organización CIELO está tentando paliar esta falta por medio de campañas de información en linguas indíxenas destas comunidades.

Fonte: Los Angeles Times

O ensaio Assim nasceu uma língua do lingüista Fernando Venâncio aborda cuestións relacionadas coa orixe e evolución da lingua portuguesa e incide na idea de que o portugués falado na actualidade descendeu directamente do galego.

Fonte: Diário de Notícias

A serie luso-galega Vidago Palace convértese na segunda produción deste tipo, despois de Auga Seca, que chega á plataforma de contidos audiovisuais HBO Portugal.

Fonte: El Trapezio

Un total de 24 escolas bilingües da provincia arxentina de Santa Fe ensinan a lingua indíxena mocoví a un total de 4869 estudantes. Prevese que pouco a pouco se vaian abrindo novos centros educativos bilingües noutras zonas da provincia.

Fonte: Mirador Provincial

A minoría turca que vive en Grecia solicitoulle ao Ministerio de Educación grego que a partir do próximo ano introduza o ensino da lingua turca nas escolas infantís.

Fonte: Daily Sabah

Dous estudantes da Universidade Nacional Timor Lorosa'e gañaron a sétima edición do Premio de Lingua Portuguesa da Fundación Oriente de Dili con dúas obras inspiradas en Fernando Pessoa.

Fonte: Notícias ao Minuto