A nova serie de HBO América Latina Todxs Nós porá en cuestión diferentes aspectos de xénero e a mesma lingua portuguesa.  A comedia dramática, ambientada en São Paulo, durará oito episodios de trinta minutos cada un.

Fonte: Terra

Cristina Pato organizou unha mesa redonda na Universidade de Nova York sobre as linguas minoritarias de España na que participaron representantes de Galicia, Cataluña e o País Vasco.

Fonte: Galicia Confidencial

A plataforma en liña de aprendizaxe de linguas engadiu o gaélico escocés á súa lista de cursos e en tan só unha semana máis de 20000 persoas xa se inscribiron para aprendelo.

Fonte: The Pie News

Un estudo científico con falantes de diferentes linguas revelou que o idioma ou idiomas que falamos poden ter unha influencia directa na atención que poñemos nas cousas e no movemento dos nosos ollos.

Fonte: Scientific American

Co fin de expandir a súa audiencia a persoas que falen linguas diferentes do inglés, o xornal estadounidense The Washington Post lanzou o seu primeiro podcast de noticias en lingua española.

Fonte: NiemanLab

A ministra de Integración da República Federal de Alemaña, Annette Widmann-Mauz, presentou o último informe sobre integración no país e pediu accións concretas para a mellora da aprendizaxe da lingua alemá. Entre as medidas que se poderían desenvolver figura a introdución dun exame de alemán como requisito para acceder ás escolas.

Fonte: Deutsche Welle

O proxecto Masakhane pretende desenvolver un sistema de lingüística computacional capaz de crear unha ferramenta que traduza contidos electrónicos do inglés aos máis de 2000 idiomas nativos que se falan en África e viceversa.

Fonte: XATAKA

Un estudo comparativo realizado en Finlandia revelou que os institutos de ensino secundario nos que o sueco é a lingua de instrución ocupan os postos superiores da clasificación. O dominio das linguas é un dos factores que explica esta vantaxe.

Fonte: YLE

O filme A Febre da directora brasileira Maya Da-Rin, gravado na súa maior parte en lingua tukana da Amazonia brasileira, gañou o premio á mellor película no Festival de Brasilia.

Fonte: Folha de São Paulo

Centos de persoas manifestáronse nas rúas de París para demandar políticas que favorezan a promoción e o ensino das linguas minorizadas en Francia. A marcha foi convocada por un colectivo que aglutina moitas entidades de todas as rexións de Francia onde se falan linguas vernáculas diferentes do francés.

Fonte: Nationalia