Mundo
O presidente de Portugal falará na Academia Francesa da riqueza do portugués e o francés
O presidente da República de Portugal, Marcelo Rebelo de Sousa, participará nunha reunión da Academia Francesa en París onde pronunciará un discurso sobre a riqueza do francés e o portugués.
Fonte: Notícias ao Minuto
O Goberno de Alemaña pediralle ao clero procedente de fóra da UE que fale alemán
O Goberno da República Federal Alemá esixiralles aos membros do clero procedentes de fóra da Unión Europea que teñan coñecementos de alemán para poder traballar no país.
Fonte: Deutsche Welle
Publícanse as persoas finalistas do Premio Océanos de Literatura en Lingua Portuguesa
Acaban de darse a coñecer os nomes das persoas que integran a lista de finalistas dun dos máis importantes premios literarios en portugués, o Premio Océanos de Literatura en Lingua Portuguesa. Son tres as nacionalidades das persoas seleccionadas: o Brasil, Portugal e Angola.
Fonte: Diário do Nordeste
Portugal e Luxemburgo figuran entre os países onde mellor se fala inglés
Segundo datos extraídos da enquisa English Proficiency Index 2019, Portugal e Luxemburgo están entre os países do mundo onde mellor se fala inglés. Os Países Baixos ocupan o primeiro lugar nesta clasificación.
Fonte: Contacto
Descualifican un filme nixeriano do galardón dos Óscar por estar maioritariamente en inglés
A Academia das Artes e das Ciencias Cinematográficas dos premios Óscar descualificou o filme nixeriano Lionheart da loita polo galardón á mellor película estranxeira por estar rodado maioritariamente en inglés.
Fonte: CNBC
Nace un novo programa de radio en lingua quechua no Perú e Arxentina
O Ministerio de Cultura do Perú anunciou que un novo programa de radio comezará a emitirse en lingua quechua en todo o Perú e nas provincias quechuafalantes de Arxentina.
Fonte: Sputnik
A secretaria xeral do Consello de Europa insta as autoridades públicas a protexer a lingua romaní
Con motivo do Día Mundial da Lingua Romaní, a secretaria xeral do Consello de Europa, Marija Pejčinović Burić, instou os estados membros da organización a protexer e promover o idioma do pobo xitano.
Fonte: Council of Europe
O Brasil celebra o Día Nacional da Lingua Portuguesa
Como cada 5 de novembro, o Brasil celebra o Día Nacional da Lingua Portuguesa que rende homenaxe á lingua de Camões e ao escritor Rui Barbosa.
Fonte: Diário do Litoral
Unha nova campaña do Goberno de Irlanda quere promover as novas tecnoloxías en gaélico irlandés
O ministro das Zonas de Fala Irlandesa ou Gaeltacht da República de Irlanda, Seán Kyne, anunciou unha campaña que garantirá que máis produtos e servizos de novas tecnoloxías estean dispoñibles en gaélico.
Fonte: Midwest Radio
Unha gran manifestación esixirá en París o ensino das linguas rexionais de Francia
Colectivos de profesorado procedentes de toda Francia manifestaranse en París o vindeiro 30 de novembro para demandar o ensino das linguas rexionais francesas.
Fonte: Jornalet
Boletín
Subscríbase ao boletín
