O Goberno da provincia canadense de Columbia Británica informou de que o esforzo orzamentario para a revitalización das súas linguas indíxenas está dando os seus froitos. Actualmente, o 60 % das linguas indíxenas do Canadá fálase en Columbia Británica.

Fonte: Nelson Star

Ademais de en español, a Universidade Nacional de Colombia publicará os contidos do seu sitio web en dúas linguas nativas de Colombia: en nasa yuwe do pobo nasa e en wayuunaiki da Guajira.

Fuente: El Informador

A iniciativa e-Hub do Ministerio de Educación da República de Irlanda garantirá que o alumnado de secundaria das zonas de fala galesa poida ter acceso a un currículo escolar completamente en gaélico irlandés.

Fonte: RTÉ

O Dicionario Priberam da Lingua Portuguesa cumpriu unha década de existencia tras consolidarse como unha das fontes de busca lexicográfica máis populares do portugués.

Fonte: Sulinformação

Unha proposta da administración Trump dos EUA prevé o peche das emisións en tres linguas minoritarias da Federación Rusa na emisora Radio Free Europe. As linguas son o tártaro, o baskir e o checheno.

Fonte: Nationalia

En breve aparecerá nas grandes pantallas a longametraxe SGaawaay K’uuna que foi filmada na súa totalidade en dous dialectos da lingua haida, idioma indíxena de Norteamérica que actualmente conta con tan só 20 falantes. 

Fonte: The Guardian

Un concelleiro do Condado de Donegal, no norte da República de Irlanda, foi obrigado a expresarse en inglés ante a negativa de facilitarlle interpretación simultánea de gaélico a inglés.

Fonte: Highland Radio

O crecente interese pola cultura e lingua tibetanas levou o Goberno da Rexión do Tíbet a lanzar unha nova aplicación para aprender tibetano. Trátase dunha iniciativa que busca protexer e promover esta lingua.

Fonte: Global Times

Finlandia introducirá a instrución en lingua estranxeira no primeiro ano da educación básica co fin de reducir as desigualdades na aprendizaxe das linguas.

Fonte: Xinhuanet

A plataforma en liña desenvolvida polo Instituto Camões e Porto Editora chegou aos 600 usuarios. Grazas a este sitio existen persoas aprendendo de forma remota a lingua de Camões nos cinco continentes.

Fonte: Diário de Notícias