De acordo cos datos proporcionados por un responsable de educación da provincia turca de Girusun, un total de 100 nenas e nenos aprenderon a lingua asubiada turca co fin de preservar este modo de comunicación nas novas xeracións.

Fonte: Hurriyet Daily News

Unha decena de escolas de ensino secundario de Portugal e da rexión chinesa de Macau asinou un acordo de colaboración para reforzar o ensino do portugués e o chinés mandarín.

Fonte: O Jornal Económico

Unha nova lexislación da República de Irlanda esixiralle a un mínimo do 20 % do funcionariado ter competencias en gaélico para poder traballar no ámbito público.

Fonte: RTE

Segundo un estudo elaborado por responsables do premio internacional Man Brooker, o consumo de literatura traducida a partir de linguas diferentes ao inglés chegou a máximos históricos no Reino Unido.

Fonte: The Guardian

Unha familia de Cornualles descubriu unha tradución ao irlandés descoñecida até agora do Canon de Medicina de Avicena. O documento do século XV, que servía de protección dunha obra posterior, revela que a medicina irlandesa da Idade Media estaba á par da europea.

Fonte: The Guardian

O filme mexicano Roma fixo historia ao converterse na primeira longametraxe mexicana que consegue o Óscar á mellor produción en lingua estranxeira.

Fonte: El Periódico

O 24 de febreiro de 1984, o luxemburgués convertíase en lingua nacional do Gran Ducado de Luxemburgo. Hoxe fálano máis de 400 000 persoas e comparte oficialidade co francés e o alemán.

Fonte: Contacto

O Instituto de Estudos Occitanos (IEO) presentou “Las Paginas Occitanas”, un novo sitio web que informa sobre servizos en lingua occitana e entidades ou persoas que traballan ou viven nesta lingua.

Fonte: Jornalet

O estado de Novo México (EUA) aprobou unha lei para incentivar e reforzar o ensino bilingüe nas escolas públicas onde haxa alumnado que non fale inglés como primeira lingua.

Fonte: Albuquerque Journal

O Goberno do Xapón recoñeceu por medio dunha lei a minoría étnica ainu que vive principalmente no norte da illa de Hokkaido. Grazas a esta medida, poderase promover a cultura deste pobo indíxena, cuxa lingua está en risco de desaparición xa que só é falada por unhas cen persoas.

Fonte: Language Magazine