Mundo
Un centro de documentación portugués creará un arquivo de linguas ameazadas de Europa
O Centro Interdisciplinario de Documentación Lingüística e Social de Portugal (Cidles) reunirá toda a investigación pertinente para crear un arquivo especializado de linguas ameazadas de Europa.
Fonte: Público
O Estado e Israel aproba cursos universitarios en inglés como lingua de instrución
O Consello de Ensino Superior do Estado de Israel aprobou 26 novos cursos de grao ou posgrao que terán o inglés como lingua vehicular. O obxectivo é atraer alumnado internacional con bo desempeño académico.
Fonte: The Jersusalem Post
Baixa a porcentaxe de menores que ten o flamengo como primeira lingua en Flandres
Todas as provincias flamengas de Bélxica rexistraron nos últimos anos un descenso no número de nenas e nenos que teñen o flamengo como primeira lingua. Nalgunhas zonas, a porcentaxe de menores que fala outras linguas maternas é superior ao 50 %.
Fonte: The Brussels Times
O Google Tradutor podería incluír o tamazight entre as súas linguas
Unha petición en liña demanda que o tamazight ou bérber sexa incluído como lingua de traballo en Google Tradutor. O equipo da coñecida ferramenta de tradución automática respondeu que a proposta será tida en conta.
Fonte: Morocco World News
O Ministerio do Interior de Francia quere endurecer a proba de francés para conseguir a cidadanía
O ministro do Interior de Francia, Edouard Philippe, anunciou medidas para incrementar o nivel da proba de francés para os estranxeiros que queiran optar á cidadanía.
Fonte: The Local
O País Vasco francés aproba destinar diñeiro público á promoción do occitano
A Comunidade de Aglomeración do País Vasco, institución administrativa do País Vasco francés, aprobou unha partida orzamentaria para a promoción da lingua occitana naquelas zonas onde esta sexa lingua vernácula.
Fonte: Nationalia
O Ministerio de Asuntos Exteriores de Francia celebra a xornada e a semana internacionais da francofonía
O Ministerio de Asuntos Exteriores de Francia celebra a xornada e a semana internacionais da francofonía co fin de fomentar a lingua francesa falada por 300 millóns de persoas dos cinco continentes.
Fonte: France Diplomatie
Publican un dicionario de crioulo de Macau
Un investigador portugués publicou un dicionario do crioulo de Macau ou patuá que, segundo a ONU, está gravemente ameazado de desaparición.
Fonte: Dnoticias
Alertan da diminución no estudo de linguas modernas nas escolas das Terras Altas de Escocia
Alertan ao Consello das Terras Altas de Escocia que o número de matrículas en linguas modernas está diminuíndo nas escolas desta zona de Escocia e iso a pesar de que o Goberno escocés introduciu un plan para a promoción do estudo dunha ou varias linguas estranxeiras.
Fonte: The Inverness Courier
Crece o apoio a unha organización xuvenil de inmersión en lingua galesa
A organización xuvenil Urdd Gobaith Cymru, que ofrece actividades e apoio a xente nova de Gales por medio da lingua galesa, incrementou o seu número de membros en case mil persoas nos últimos 6 anos.
Fonte: North Wales Chronicle
Boletín
Subscríbase ao boletín
