Os novos modelos de análise de palabras en contexto permiten que as máquinas poidan descifrar actualmente os problemas derivados da polisemia e adquirir mellores destrezas lingüísticas.

Fonte: TechCrunch

No marco do proxecto Pavillón das Linguas, a cidade frisoa de Leeuwarden (Países Baixos) acollerá a semana do galego cun amplo programa de actividades que terá como eixe a literatura.

Fonte: Galicia Confidencial

A Comunidade de Lingua Córnica lanzou unha campaña en liña co fin de recadar diñeiro para financiar unha televisión en lingua córnica.

Fonte: Nationalia

Hispanistas e profesores universitarios denuncian a precaria situación do ensino do español en Marrocos. O país veciño, tradicionalmente francófono, centra agora os seus esforzos de promoción na lingua inglesa.

Fonte: El Español

O importante premio literario “Irish Book Awards” incluíu por vez primeira unha categoría separada para as obras publicadas en lingua gaélica.

Fonte: The Journal

Segundo un informe elaborado polo British Council, o alumnado de secundaria do Reino Unido está deixando de estudar francés e alemán como primeira lingua estranxeira en beneficio do español e o chinés.

Fonte: Quartz

Un total de 20 editoras representará a literatura caboverdiana na feira do libro de Frankfurt (Alemaña).

Fonte: Observatório da Língua Portuguesa

O Ministerio de Xustiza do Reino Unido informou de que introducirá melloras inmediatas na atención en lingua galesa. A partir de agora, as ofertas de emprego serán bilingües e prestaranse máis servizos por medio do galés.

Fonte: Gov.uk

Segundo datos do último censo de 2011, o hindi medra en número de falantes en toda a India e é xa a lingua materna do 43 % dos cidadáns indios. As linguas do sur do país e o inglés tamén rexistran un incremento en número de falantes.

Fonte: The News Minute

Un neno brasileiro de oito anos que publicou dous libros bilingües, en portugués e inglés, pediu por medio dunha carta en Nova York que o portugués sexa declarado lingua oficial das Nacións Unidas.

Fonte: Globo