O consello científico do Instituto Internacional da Lingua Portuguesa (IILP) validou o plan de actividades para o ano 2026, que inclúe 75 proxectos centrais. Entre as iniciativas destacadas están a creación dun Observatorio de Neoloxismos, un mapa dixital da lingua, e a edición de 10 000 libros dirixidos a difusión en escolas da CPLP para promover a inclusión cultural.

Fonte: SapoMag

Daniel Chapo inaugurou en Maputo a 14ª sesión da Asemblea Parlamentaria da CPLP facendo un chamamento á unidade entre os países de fala portuguesa. Durante o seu mandato á fronte da organización, que durará dous anos, comprometeuse a priorizar o fortalecemento democrático, o reforzo da mobilidade e o compromiso pola educación e a diversidade cultural entre os diferentes estados que integran a lusofonía.

Fonte: Xinhua

O afrikaans fai cen anos como lingua oficial en Suráfrica, onde substituíu o neerlandés en 1925. Un século despois, mantén a súa pegada cultural mentres afronta retos políticos e loita pola supervivencia.

Fonte: Diari de la Llengua

Segundo datos ofrecidos por Eurostat, en 2023, o 60 % do alumnado de educación xeral secundaria superior na UE estudou dúas ou máis linguas estranxeiras, cun lixeiro descenso respecto a 2022. No ensino profesional a proporción foi menor (34,8 %) pero aumentou. Francia, Romanía e Chequia lideran os datos, mentres que Portugal, Irlanda e España presentan as porcentaxes máis baixas.

Fonte: Eurostat

O primeiro ministro da India, Narendra Modi, anunciou unha nova política institucional para potenciar o uso do hindi en todo o país e así poder unificar as diversas rexións indias. Porén, a proposta está a suscitar preocupación entre os falantes doutras linguas estatais, que temen que esta medida poida ter un impacto na diversidade lingüística e cultural.

Fonte: New York Times

O primeiro ministro da India, Narendra Modi, anunciou unha nova política institucional para potenciar o uso do hindi en todo o país co fin de axudar a unificar as diversas rexións indias. Porén, a proposta ten suscitado críticas entre os falantes doutros idiomas estatais que temen que esta medida poida ter un impacto na diversidade lingüística e cultural.

Fonte: New York Times 

O presidente da Federación de Rusia, Vladimir Putin, emitiu un decreto presidencial que reforza a política estatal de linguas en Rusia. O obxectivo principal é «conservar, desenvolver e apoiar» o idioma ruso, as linguas estatais das diferentes repúblicas, e as demais linguas dos pobos da Federación, así como promocionar o ruso a nivel mundial. 

Fonte: Meduza

A Sociedade Recreativa de Santarém ofrecerá un curso de lingua e cultura bengalís co fin de promover o respecto pola comunidade procedente de Bangladesh afincada neste municipio portugués.

Fonte: Mais Ribatejo

O Municipio de Miranda do Douro e a Universidade do Porto asinaron un acordo de colaboración técnico-científica que permita reforzar a promoción da lingua e cultura mirandesas.

Fonte: Porto Canal 

Un estudo elaborado na Universidade da Columbia Británica, no Canadá, revelou que as políticas de revitalización e recuperación das linguas nativas non só axudan a preservar a identidade cultural senón que ademais poden influír positivamente na cohesión social e na saúde mental dos seus falantes.

Fonte: Diari de la Llengua