Un total de 150 universidades de 28 países de Europa, América, Asia e Oceanía ofrecen clases de lingua e cultura catalás en colaboración co Instituto Ramon Llull.

Fonte: Punto Noticias

Moitas organizacións estadounidenses reivindican que o inglés se converta en idioma oficial dun país onde o español xa ten máis falantes que esa lingua.

Fonte: TKM

Os deputados deste país africano poderán realizar cursos en liña sobre as técnicas de xestión das finanzas públicas en lingua portuguesa.

Fonte: Observatório da Língua Portuguesa

O lanzamento deste portal en portugués por parte da axencia de noticias oficial Xinhua responde ao desexo de fomentar as relacións entre China e os países de lingua portuguesa.

Fonte: Observatório da Língua Portuguesa

O hausa é a lingua máis falada no oeste de África e a súa inclusión nesta rede social responde á vontade de Facebook de chegar a Nixeria, o país africano máis poboado.

Fonte: Le Point

Malia que na práctica hai quen a considera unha lingua morta, o certo é que aínda existen persoas en Baixa California (México) que a falan.

Fonte: RT

A base de datos SCOPUS sitúa o persa como un dos idiomas científicos a nivel internacional, xa que en 2015 ascendeu dous postos respecto a 2014 e colocouse en décimo quinto lugar no mundo.

Fonte: ParsToday

O francés estase a empregar moi pouco na edición das olimpíadas deste ano en Río, malia que é, xunto co inglés, unha das linguas oficiais dos Xogos Olímpicos.

Fonte: Le Figaro

Os candidatos deben ser “efectivamente bilingües”, o que significa que teñen que comprender francés a nivel oral e escrito sen necesidade de intérprete, pero non se require que saiban expresarse tamén nesta lingua.

Fonte: ICI

Soamente o 10,8 % dos funcionarios bolivianos sabe un idioma nativo, malia de que o prazo para que o aprendan finalizou hai un ano.

Fonte: La Razón