Mundo
Ponse en marcha en Australia un proxecto para promover a diversidade lingüística deste país a través dunha canción infantil
Nunha escola australiana de educación primaria crearon unha canción que leva por título “Marrin Gamu“ co obxectivo de fomentar as diferentes linguas indíxenas do país.
Fonte: GlobalVoices
O impulso da lingua sahtú será unha das prioridades do novo autogoberno indíxena da comunidade canadense de deline
O novo goberno da comunidade deline, que conseguirá a súa autonomía o 1 de setembro, pretende aprobar unha lei que garanta o coñecemento e o emprego da lingua sahtú na Administración.
Fonte: Nationalia
O Dicionario Priberam da lingua portuguesa enriqueceuse con máis de 800 novos termos no que vai de ano
Durante o primeiro semestre do ano 2016 este dicionario incorporou un total de 842 novas entradas e modificou 4328.
Fonte: Techenet
O Ministerio de Educación de Francia anuncia que incorporarán a lingua árabe ao sistema educativo
A partir do vindeiro curso escolar o árabe integrarase oficialmente no sistema educativo francés o que lles permitirá aos alumnos escollelo como segunda lingua estranxeira.
Fonte: Réalités
O Código de mercados públicos de Senegal xa está dispoñible en lingua wolof
A tradución do Código de mercados públicos ao wolof supón unha boa nova para o 90 % da poboación de Senegal que fala este idioma. É a primeira vez que este código está dispoñible nunha lingua nacional na Unión Económica e Monetaria de África Occidental.
Fonte: Ferloo
Vetan en Francia un sindicato por darlle preferencia ao éuscaro fronte ao francés
A CGT denunciou o sindicato LAB por non respectar o francés nin os valores republicanos e darlle preferencia ao éuscaro.
Fonte: El Diario
Un grupo folk busca coa súa música divulgar a lingua mirandesa
O grupo folk Trasga conta cun repertorio formado por temas exclusivamente en mirandés co obxectivo de promover esta lingua por medio da música.
Fonte: Público
A lingua catalá pódese estudar en 150 universidades de todo o mundo
Un total de 150 universidades de 28 países de Europa, América, Asia e Oceanía ofrecen clases de lingua e cultura catalás en colaboración co Instituto Ramon Llull.
Fonte: Punto Noticias
Reavívase o debate sobre a oficialidade do inglés nos Estados Unidos
Moitas organizacións estadounidenses reivindican que o inglés se converta en idioma oficial dun país onde o español xa ten máis falantes que esa lingua.
Fonte: TKM
A UE organiza cursos en portugués na rede dirixidos a deputados de Guinea-Bissau
Os deputados deste país africano poderán realizar cursos en liña sobre as técnicas de xestión das finanzas públicas en lingua portuguesa.
Boletín
Subscríbase ao boletín
