Un informe sobre a presenza das linguas estranxeiras no ensino público do País de Gales revelou que se duplicou o número de estudantes que aprenden chinés mandarín.

Fonte: Wales Online

Un protocolo asinado entre o Instituto Camões e a Universidade de Luxemburgo permitirá contratar un lector de lingua e cultura portuguesas neste centro de ensino. O obxectivo é desenvolver os estudos portugueses no ensino superior luxemburgués e favorecer o intercambio académico entre institucións educativas de Luxemburgo e Portugal.

Fonte: Luxemburger Wort

O grupo automobilístico Volkswagen decidiu adoptar o inglés como lingua oficial de comunicación en detrimento do alemán.

Fonte: Automonitor

O dicionario en liña da lingua portuguesa Priberam publicou no sitio web "O Ano em Palavras" as 200 palabras máis buscadas en todo o ano 2016.

Fonte: Delas

A Academia Americana de Artes e Ciencias publica un informe que analiza a situación das linguas estranxeiras nos Estados Unidos en ámbitos como o ensino.

Fonte: Times Higher Education

Rosa Andrade, a última muller que falaba resígaro, lingua indíxena falada na Amazonia peruana, morreu asasinada aos 67 anos de idade. O seu irmán é agora o último falante. Na actualidade, hai un proxecto do Ministerio de Cultura do Perú para documentar esta lingua.

Fonte: Observador

O coreano medra en popularidade na India. Cada vez máis cidadáns indios deciden estudalo para poder buscar oportunidades laborais nese país asiático.

Fonte: Newsgram

Unha organización de apoio á lingua inuit viaxou ao País de Gales para aprender estratexias que permitan revitalizar esta lingua aborixe do Canadá.

Fonte: CBC

O presidente do Consello Rexional do Véneto presentou o sitio web www.linguaveneta.it que recolle información e recursos sobre a lingua véneta.

Fonte: Treviso Today

Romanía convértese no primeiro país da Unión Europea en nomear unha primeira ministra de relixión musulmá. Sevil Shhaideh, de 52 anos, pertence á minoría tártara de lingua turca.

Fonte: Diário de Notícias