Na provincia canadense de Nova Escocia, habitada por moitos descendentes escoceses, o estudo do gaélico escocés nas escolas públicas está acadando gran popularidade. O que comezou cun simple curso extraescolar é agora unha materia troncal en sete centros educativos da provincia.

Fonte: CBC News

As escolas bolivianas empezarán a impartir clases de cinco novas linguas orixinarias: chiquitano, uru, afroboliviano, ignaciano e guaraio.

Fonte: Erbol

O lingüista mexicano José Luis Iturrioz recompila e define 130 000 termos da lingua indíxena huichol que se fala nos estados mexicanos de Xalisco, Nayarit e en zonas de Durango e Zacatecas.

Fonte: El Universal

O tribunal administrativo da cidade francesa de Pau anulou unha resolución da localidade vascofrancesa de Ustaritze para converter o éuscaro en lingua oficial do municipio.

Fonte: Le Figaro

O Instituto Confucio ofrece dous cursos de lingua e cultura chinesas na Universidade Federal de Río Grande do Sur (Brasil).

Fonte: CBN

Un estudo elaborado por un catedrático de Miami revela que o clima inflúe na evolución das linguas.

Fonte: Scientific American

O mapa Wordmap mostra a tradución dunha determinada palabra nas diferentes linguas do mundo e a extensión das diferentes familias lingüísticas no planeta.

Fonte: Daily Mail

O Centro de Linguas da Universidade do Algarve ofrece novos cursos de linguas para o segundo semestre deste ano académico.

Fonte: Sulinformação

Segundo as estimacións de especialistas na materia, 60 linguas indíxenas corren o risco de desaparecer no Brasil, o que representa o 30 % do total estimado de idiomas falados no país.

Fonte: Cruzeiro do Sul

A utilización dos idiomas nacionais de Angola na música é un elemento imprescindible para valorar e reforzar a identidade cultural, declarou a cantante angolana Lina Alexandre.

Fonte: ANGOP