Mundo
O Goberno de Timor Leste introduce a aprendizaxe das linguas maternas nos primeiros niveis do ensino
Por medio de dous decretos lei, o Goberno timorense introducirá o ensino das linguas maternas nos niveis máis básicos do sistema educativo. O portugués comezará a impartirse como lingua principal só a partir do terceiro ciclo do ensino primario.
Fonte: RTP Notícias
Unha alta porcentaxe de checos ten nocións básicas dunha lingua estranxeira
Unha enquisa realizada na República Checa revela que case tres de cada catro checos teñen coñecementos básicos de polo menos unha lingua estranxeira.
Fonte: Prague Daily Monitor
Retiran do mercado un dicionario de bretón pola abundante presenza de erros
A editorial francesa Larousse retirou do mercado o dicionario Le Breton dans votre poche ("O bretón no seu peto") pola abondosa presenza de erros. A corrección correrá a cargo da Oficina Pública da Lingua Bretoa.
Fonte: Lé Télégramme
A cooperación entre Portugal e Timor Leste en materia de lingua portuguesa desenvolverase en 13 centros de aprendizaxe
Un total de 13 escolas desenvolverá en Timor Leste o protocolo de cooperación en materia de lingua portuguesa entre Portugal e este país asiático.
Unha exposición en Río de Xaneiro tenta concienciar sobre a desaparición das linguas indíxenas
Unha exposición, inspirada no mito do papagaio de Alexander von Humboldt, tenta en Río de Xaneiro concienciar sobre a necesidade de protexer as linguas indíxenas de América Latina.
Fonte: EBC
Preséntase unha proposta no Parlamento Europeo para garantir a supervivencia das linguas minoritarias
O Parlamento Europeo presentou unha folla de ruta para garantir a supervivencia das linguas minoritarias na Unión Europea. Ao acto acudiron representantes do Instituto Navarro do Éuscaro.
Fonte: Diario de Navarra
Créase unha clase bilingüe árabe-hebreo nunha escola primaria da localidade xudía de Jafa
O municipio xudeu de Tel Aviv-Jafa abrirá unha clase bilingüe hebreo-árabe na escola primaria Kiryat Hinuch Yaffo. A iniciativa correrá a cargo dunha asociación sen ánimo de lucro.
Fonte: Haaretz
Unha asociación en defensa da lingua galesa oponse ao peche de dúas escolas de ensino en galés
A agrupación a prol da lingua galesa Cymdeithas yr Iaith Gymraeg mostrou a súa oposición a un informe que recomenda o peche de dúas escolas de ensino en galés, Ysgol Llangynfelyn e Ysgol Cwmpadarn, no condado de Ceredigion.
Fonte: Wales Online
A presenza da lingua portuguesa incrementouse por riba do 10 % nas universidades dos EUA
Un estudo revela que, entre 2009 e 2014, a lingua portuguesa é a que máis medrou en número de alumnos nas universidades dos EUA.
Fonte: Observador
Un proxecto de ensino de linguas estranxeiras loita contra a exclusión social en Leiría
Un proxecto impulsado por unha asociación de Leiría (Portugal) tenta combater a exclusión social da comunidade de persoas inmigradas por medio da aprendizaxe de linguas.
Fonte: Observador
Boletín
Subscríbase ao boletín
