Deputados do Parlamento de Timor Leste criticaron as voces que relacionan o ensino da lingua portuguesa no país co colonialismo.

Fonte: Jornali

A introdución da lingua materna no sistema público de ensino é unha das medidas aprobadas polo Goberno de Cabo Verde para a protección do crioulo.

Fonte: Observatório da Língua Portuguesa

A cultura mirandesa perde un dos seus maiores defensores, o escritor e xurista Amadeu Ferreira, que faleceu na súa casa de Lisboa aos 64 anos. Amadeu Ferreira era ademais o presidente da Asociación da Lingua e Cultura Mirandesas.

Fonte: Público

Un grupo de especialistas timorenses criticou os decretos aprobados polo Goberno de Timor Leste que dan prioridade ao ensino das linguas maternas nas primeiras etapas educativas e que adían o estudo do portugués ao terceiro ciclo.

Fonte: Notícias ao Minuto

Un novo informe revela un incremento do número de estudantes de lingua galesa na rexión arxentina da Patagonia, lugar onde se estableceu unha importante comunidade galesa na segunda metade do século XIX.

Fonte: Wales/Cymru

A Dirección Xeral do Ensino de Francia publicou un novo portal con recursos para o ensino de linguas modernas en escolas e universidades.

Fonte: Vousnousils

A Dirección de Educación do Goberno de Angola anunciou a introdución da lingua nacional cokwe no sistema público de ensino.

Fonte: ANGOP

O filme de fala irlandesa An Bronntanas (O agasallo) recibiu o premio especial do xurado no Festival de Cinema de Boston (EUA).

Fonte: RTÉ

O novo Plan Nacional de Desenvolvemento da Educación de Angola prevé a avaliación do nivel de aprendizaxe das linguas nacionais do país.

Fonte: África 21

A última falante do idioma wukchumni, do estado de California (EUA), traballa desde hai anos na elaboración do primeiro dicionario desta lingua.

Fonte: Hyperallergic