Duolingo, a aplicación para aprender linguas estranxeiras, ofrece agora un curso de francés para falantes de portugués.

Fonte: IGN

As diferenzas políticas que existen entre Corea do Norte e Corea do Sur, separadas desde hai 70 anos, fan que as linguas que se falan nos dous países sexan cada vez máis inintelixibles.

Fonte: GuelphMercury

A Semana da Lingua Francesa e da Francofonía (14-22 de marzo de 2015) celebra a riqueza e a diversidade do francés, idioma falado nos cinco continentes.

Fonte: Expo Langues

A ministra de Cultura de Francia, Fleur Pellerin, mostrouse favorable á introdución de vocábulos doutros idiomas no francés xa que é enriquecedor para a lingua.

Fonte: The Guardian

As autoridades aeronáuticas de todos os países lusófonos reuniranse na cidade caboverdiana de Praia para converter o portugués en lingua oficial da Organización Internacional da Aviación Civil (IATA).

Fonte: Sapo

O reloxo intelixente Apple Watch poderá traducir frases básicas do inglés a 13 linguas estranxeiras a través da aplicación IHG Translator.

Fonte: Mashable

O reitor da Universidade de Winneba (Ghana) declarou que o incremento no uso de linguas estranxeiras na transmisión xeracional podería levar as linguas indíxenas á desaparición.

Fonte: Starr

A cidade alemá de Aquisgrán acollerá en setembro o XI Congreso Alemán de Lusitanistas que leva por título "(R)evolucións e transformacións. O mundo lusófono en movemento" e que contará cunha sección de estudos galegos.

Fonte: GCiencia

O Ministerio de Educación de Mozambique anunciou que a partir de 2017 o ensino primario empregará, ademais do portugués, as 16 linguas nativas que se falan no país.

Fonte: Notícias ao Minuto

Un estudo revela que no Reino Unido as condicións para o estudo de linguas estranxeiras non son favorables e moitos profesores teñen dificultades para que o seu alumnado opte por cursalas, sobre todo nos dous últimos anos do ensino secundario.

Fonte: BBC