O municipio de Cardiff, capital do País de Gales, estuda a apertura dun novo centro para a lingua galesa nas instalacións da antiga biblioteca da cidade.

Fonte: Wales Online

Defensores da lingua galesa e pequenos comerciantes criticaron a rede social Twitter por non incluír o galés entre as linguas en que publica as súas mensaxes publicitarias.

Fonte: BBC

A cidade israelí de Nazareth Illit recibiu críticas pola falta de libros en lingua árabe nas bibliotecas municipais.

Fonte: Haaretz

Aínda que existen escolas no Brasil que adoptan un ensino bilingüe, a lexislación actual brasileira non recolle con detalle esta opción educativa.

Fonte: Notícias ao Minuto

O curso pasado a educación bilingüe francés-bretón incrementouse un 3,4 % no ensino público francés. Actualmente, hai 6887 alumnos que escollen esta opción educativa.

Fonte: Le Telegramme

Máis de cinco mil usuarios rexistráronse na Escola Virtual da Lingua de Signos Portuguesa no seu primeiro mes de actividade.

Fonte: TSF

O desenvolvemento da economía brasileira é un dos motivos de que o portugués se convertese na terceira lingua estranxeira con maior crecemento no ensino superior dos Estados Unidos de América.

Fonte: Dnotícias

A Federación de Rusia clausurou diversos medios de comunicación de Crimea, entre os que se inclúe a canle de televisión ATR, a principal que emitía en lingua tártara.

Fonte: KyivPost

O ensino do grego antigo está en decadencia nas escolas británicas. Só 37 centros impartiron a materia no último ano do ensino secundario.

Fonte: The Guardian

A Orde dos Avogados do Brasil (OAB, polas súas siglas en portugués) propuxo cambios nas regras do Acordo Ortográfico da Lingua Portuguesa. Un dos asuntos que presenta máis dúbidas é o uso do trazo.

Fonte: O Debate