Un estudo de investigación baseado en mostras de ADN revela que a orixe das linguas indoeuropeas podería estar nunha zona que hoxe pertence a Rusia e Ucraína.

Fonte: National Geographic

O campus de Gualtar da Universidade do Miño acollerá a sexta edición dos exames oficiais de lingua chinesa.

Fonte: Braga TV

A Universidade de Hawai (EUA) albergou unha conferencia internacional sobre a documentación e a conservación das linguas ameazadas.

Fonte: University of Hawai'i

Un estudo realizado na Universidade de Helsinqui revela que os usuarios de videoxogos ou xogos de computador acadan mellores resultados en lingua inglesa.

Fonte: YLE

Alternativa Galega de Esquerda en Europa denunciou as consecuencias da coñecida como "taxa Google" (Canon AEDE), xa que a consideran un ataque ao dereito á información e tamén un grave prexuízo para as linguas minorizadas.

Fonte: Código Cero

A europarlamentaria irlandesa Liadh Ní Riada falará durante dúas semanas só en irlandés para denunciar a situación de discriminación que vive a súa lingua nas institucións europeas.

Fonte: Sermos Galiza

O Ministerio de Educación e Ciencia portugués esixiralles aos docentes de inglés que se sometan a unha proba de nivel para poder corrixir os exames do terceiro ciclo do ensino básico.

Fonte: Público

O Ministerio de Cultura do Perú publicou un mapa interactivo en liña que inclúe información e rexistros sonoros das linguas indíxenas do país.

Fonte: El Comercio

Un grupo de investigadores arxentinos está traballando na elaboración dun dicionario de lingua de signos destinado á comunidade de persoas xordas e a docentes de educación especial.

Fonte: Rosario3

Despois dun longo período de consulta pública, a autoridade unitaria de Vale of Glamorgan, no sur de Gales, aprobou a creación dunha escola en lingua galesa que unificará dous centros xa existentes: o Ysgol Gymraeg Nant Talwg e o Ysgol Gyfun Bro Morgannwg.

Fonte: Wales Online