Mundo
O Goberno dos EUA lanza un plan para a revitalización das linguas indíxenas
A administración Biden-Harris dos Estados Unidos de América lanzou un plan nacional que ten por obxecto a protección e revitalización das linguas indíxenas estadounidenses.
Fonte: Minnesota Reformer
A India recoñece o bhoti e o urdú como linguas oficiais da rexión india do Ladakh
O goberno da India recoñeceu oficialmente a lingua tibética bhoti e o urdú como idiomas oficiais do territorio indio do Ladakh tras reunións entre líderes locais e representantes do Ministerio do Interior en Nova Deli.
Fonte: Phayul
Unha película brasileira é candidata ao Globo de Ouro como mellor filme en lingua estranxeira
A longametraxe brasileira Ainda estou aquí foi anunciada como unha das nomeadas ao Globo de Ouro na categoría de mellor película en lingua estranxeira. A cerimonia de entrega dos premios terá lugar o 5 de xaneiro en California.
Fonte: Notícias ao Minuto
A comunidade kurda de Turquía ten dificultades para acceder a servizos en kurdo
A comunidade kurda de Turquía, que representa o 5 % da poboación de todo o país, ten moitas dificultades para acceder a servizos públicos en lingua kurda, sobre todo no ámbito do ensino.
Fonte: DuvaR.english
Nace en Cabo Verde un grupo de reflexión de lingua portuguesa
Representantes de varios países lusófonos reuníronse en Praia, Cabo Verde, para crear o Grupo Multilateral de Reflexión que ten por obxectivo promover unha xestión máis multilateral da lingua portuguesa.
Fonte: Expresso das Ilhas
O ministro español de Asuntos Exteriores reúnese coa presidenta do Parlamento Europeo para solicitar de novo a oficialización do galego, o catalán e o éuscaro na UE
O ministro de Asuntos Exteriores de España, José Manuel Albares, reuniuse coa presidenta da Unión Europea, Roberta Metsola, para lle reiterar a petición de oficializar o galego, o catalán e o éuscaro en Europa.
Fonte: Catalan News
As institucións corsas rebélanse contra a imposición do francés na illa
O Goberno e o Parlamento de Córsega mostran a súa firme oposición á decisión dos tribunais franceses de prohibir o uso da lingua corsa, mentres a sociedade civil se mobiliza para denunciar a imposición do francés e defender os dereitos lingüísticos e culturais da illa.
Fonte: Diari de la Llengua
O exame de condución en Lituania poderase realizar en todas as linguas da UE
O Ministerio do Interior de Lituania informou de que, a partir do mes de xaneiro, o exame de condución se poderá realizar só en lituano ou en calquera das linguas da Unión Europea.
Fonte: LRT
O Departamento de Portugués da Universidade Central de Venezuela fai 30 anos
A Universidade Central de Venezuela está a celebrar o 30 aniversario do Departamento de Portugués que foi creado en 1994 grazas a un protocolo de cooperación entre esta institución académica e o Instituto Camões.
Fonte: RTP Notícias
A mocidade fai un chamamento para darlles máis visibilidade ás linguas nórdicas
O Consello Nórdico aprobou en Islandia a Declaración sobre a Política das Linguas Nórdicas co obxectivo de protexer o uso de todas as linguas dos países nórdicos. A mocidade reclamou maior visibilidade e exposición a estas linguas.
Fonte: Nordic Co-operation
Boletín
Subscríbase ao boletín
