Mundo
Un documental mostra os desafíos que afronta a lingua mirandesa
No documental Eiquí hai outra léngua mirandeses de diferentes xeracións explican os retos que ten a lingua mirandesa e cales son as solucións para que esta non esmoreza.
Fonte: RTP Ensina
Comezan as clases de lingua chinesa nas escolas de Arabia Saudita
As escolas de ensino primario e medio de Arabia Saudita comezan a impartir clases de lingua chinesa.
Fonte: Arab News
Nomean un novo comisario para as conmemoracións dos 500 anos do nacemento de Luís de Camões
O catedrático da Universidade de Coímbra José Augusto Bernardes é o novo comisario xeral do programa das conmemoracións do V Centenario do Nacemento de Luís de Camões.
Fonte: Público
Unha protesta pide a incorporación de sinais en gaélico na estación central de Belfast
A cidade norteirlandesa de Belfast acolleu unha protesta de colectivos a prol do gaélico irlandés para demandar que os novos sinais da estación central incorporen esta lingua.
Fonte: Belfast Telegraph
A Oficina da Propiedade Intelectual do Reino Unido lanza o seu sitio web en galés
A Oficina da Propiedade Intelectual do Reino Unido completou a primeira fase do seu programa de acceso dixital para falantes de lingua galesa co lanzamento do seu sitio web nesta lingua.
Fonte: Gov.uk
A corporación de radio e televisión neerlandesa NOS lanza un programa para persoas con dificultades para aprender a lingua vernácula
A organización pública de contidos de radio e televisión NOS dos Países Baixos lanza un programa de noticias de fácil comprensión para persoas non nativas que teñen dificultades para aprender neerlandés.
Fonte: The Guardian
Pecha o Cervantes Theatre, a única sala de teatro en español de Londres
O Cervantes Theatre de Londres, único teatro en español da capital británica, pechará as súas portas por falta de financiamento.
Fonte: Euronews
Unha universidade brasileira oferta un curso de lingua guaraní
A Universidade do Extremo Sur Catarinense, situada no estado brasileiro de Santa Catarina, oferta o curso Introdución á Lingua e Cultura Guaraní que ten por obxectivo dar a coñecer este idioma nativo que é oficial en países como Paraguai e Bolivia.
Fonte: Diplomacia Business
O Instituto Cervantes de Nova York oferta un curso de lingua asturiana
A lingua asturiana entra por primeira vez na programación do Instituto Cervantes de Nova York por medio dun curso de introdución á lingua e cultura asturianas. A formación, que durará até decembro, será impartida pola profesora Paquita Suárez Coalla.
Fonte: El Comercio
Esgótanse as prazas dos cursos de catalán do Goberno de Andorra
As prazas para os cursos de catalán que ofrece o Goberno de Andorra esgotáronse ás poucas horas de comezar o prazo de inscrición. A aprobación da Lei de Lingua Propia de Andorra dispara a demanda por aprender catalán.
Fonte: Diari de la Llengua
Boletín
Subscríbase ao boletín
