Mundo
Tokio quere promover a inmersión en inglés co fin de incrementar o nivel da poboación máis nova para as Olimpíadas
O Goberno metropolitano de Tokio, capital do Xapón, desenvolverá a partir de 2018 un programa de inmersión en lingua inglesa co fin de incrementar as destrezas lingüísticas da poboación máis nova para as Olimpíadas de 2020.
Fonte: The Japan Times
As visitas guiadas do Museo Nacional de Taiwán inclúen o galego
O Museo Nacional de Taiwán ofrecerá visitas de balde en galego xunto a outras oito linguas estranxeiras: cantonés, coreano, español, indonesio, inglés, tailandés e vietnamita.
Fonte: Galicia Confidencial
O Goberno de Francia crea un concurso público para docentes de linguas rexionais
O Ministerio de Educación de Francia anunciou nun comunicado que aprobará a creación dun concurso público para docentes de oito linguas rexionais francesas entre as que se encontran o éuscaro, o occitano e o catalán.
Fonte: Le Figaro
Un colectivo demanda a reintrodución do bretón na televisión no departamento de Loira Atlántico
O colectivo de defensa da lingua bretoa Brezhoneg er skinwell manifestouse para demandar que se volva empregar o bretón nas retransmisións da televisión pública no departamento francés de Loira Atlántico. As emisións desta lingua foron interrompidas no ano 2002 despois de 30 anos de difusión continuada.
Fonte: Jornalet
Aumenta a tensión entre o Goberno de Camerún e a poboación anglófona
Por motivos relacionados co seu pasado colonial, dúas rexións de Camerún teñen o inglés como primeira lingua fronte ao resto da poboación que se expresa normalmente en francés. Nos últimos meses, a tensión entre o goberno e a poboación anglófona creceu exponencialmente e xa se produciron cinco mortes en diferentes manifestacións.
Fonte: Quartz
O Goberno do País de Gales aprobará axudas para asociacións que promovan a lingua galesa
O ministro da Lingua Galesa, Alun Davies, anunciou que o Goberno de Gales destinará 4,2 millóns de libras esterlinas a organizacións que realicen proxectos de promoción e protección da lingua galesa.
Fonte: South Wales Argus
O Consello de Europa lamenta que o Goberno do Reino Unido non aprobe unha lei que promova o gaélico irlandés
O Consello de Europa lamentou que o Goberno do Reino Unido non crease o consenso necesario para aprobar a Lei da Lingua Irlandesa que garanta dereitos para os falantes de gaélico en Irlanda do Norte.
Fonte: Irish News
Un acordo entre Portugal e Francia permite o ensino do portugués na educación básica
O ministro de Educación de Portugal, Tiago Brandão, informou de que nove mil alumnos do ensino básico de Francia están a aprender portugués neste ano lectivo grazas a un acordo asinado entre os ministerios de Educación dos dous países.
Fonte: Observador
O Goberno vasco dedica 400 000 euros a iniciativas de promoción do éuscaro no País Vasco francés
O Goberno vasco e o Organismo Público da Lingua Vasca renovaron o seu acordo de colaboración en materia de éuscaro co que pretenden fomentar o coñecemento, emprego e presenza desta lingua en Iparralde.
Fonte: El Diario Vasco
A Comisión Europea acollerá a iniciativa de protexer as minorías lingüísticas da Unión Europea
A Comisión Europea rexistrará a iniciativa cidadá "Minority SafePack" que avoga pola protección das persoas que pertencen a minorías lingüísticas co obxectivo de promover e protexer a diversidade lingüística da Unión Europea.
Fonte: La Vanguardia
Boletín
Subscríbase ao boletín
