Mundo
Timor Leste debe traballar conxuntamente coa CPLP para promover o portugués no país
O antigo presidente de Timor Leste, José Ramos-Horta, declarou nun congreso de educación que o país asiático debe traballar conxuntamente coa Comunidade de Países de Lingua Portuguesa (CPLP) para progresar coa implementación do portugués no ámbito educativo.
Fonte: Diário de Notícias
Paquistán aproba un proxecto de lei para oficializar outras linguas diferentes ao urdú
O Senado de Paquistán aprobou unha proposta de lei para que o panxabi, o pashto, o baluchi e o sindi sexan linguas nacionais do país xunto ao urdú.
Fonte: Hindustan Times
Un estudante de Braga representará a Portugal no maior concurso mundial de lingua chinesa
Henrique Pinto, alumno de Estudos Interculturais da Universidade do Miño, representará a Portugal no Chinese Bridge, o maior concurso mundial de lingua chinesa.
Fonte: Braga TV
Defensores da lingua galesa inician unha protesta para que se amplíen os servizos radiofónicos en galés
Uns 50 activistas da lingua galesa decidiron non pagar as licenzas televisivas para demandar que se transfiran as competencias de emisión ao País de Gales e poder así estender os servizos radiofónicos en galés.
Fonte: Daily Post
A Universidade de Manchester anuncia un importante recorte de persoal docente de linguas modernas
Distintas voces do ámbito académico do Reino Unido mostraron a súa preocupación polas previsións de reducir un mínimo de 35 postos docentes de linguas modernas na Universidade de Manchester, a maior do país.
Fonte: The Guardian
O servizo británico de saúde considerará reducir o nivel do exame de inglés para o corpo de enfermeiros
As autoridades sanitarias británicas considerarán a redución do nivel da proba de lingua inglesa dos exames de acceso ao corpo de enfermeiros do Reino Unido ante as queixas presentadas polos xestores dalgúns hospitais e a escaseza de persoal.
Fonte: The Telegraph
Unha manifestación recorre as rúas de Belfast para demandar unha lei de promoción do gaélico
Arredor de 12 000 persoas saíron ás rúas de Belfast, en Irlanda do Norte, para demandar unha lei que garanta a protección e promoción do gaélico irlandés.
Fonte: Belfast Media Group
O Concello de Belfast inicia unha consulta para incorporar un responsable de gaélico irlandés
O Concello de Belfast, capital de Irlanda do Norte, iniciou unha consulta pública para que a cidadanía exprese a súa opinión sobre como incorporar o gaélico irlandés e outras linguas minoritarias á axenda municipal. Entre as medidas proporase a elección dun responsable de gaélico.
Fonte: BBC
Un grupo de científicos analiza o percorrido das linguas bantús na África subsahariana
Un grupo internacional de científicos, entre os que se atopan tres portuguesas, publicou un mapa na revista Science que mostra a expansión das linguas bantús na África subsahariana.
Fonte: Público
O ministro de Xustiza de Luxemburgo afirma que o luxemburgués non é un obstáculo para obter a nacionalidade
O ministro de Xustiza de Luxemburgo, Félix Braz, afirmou que, segundo a nova lei, o luxemburgués non será un obstáculo para obter a nacionalidade luxemburguesa.
Fonte: Diário de Notícias
Boletín
Subscríbase ao boletín
