Mundo
O Goberno de Turquía quere liberar a lingua turca de expresións sexistas e violentas
O Ministerio de Servizos Sociais e Familia iniciará un proxecto para abordar o tema do sexismo e a violencia na lingua turca co fin de promover a igualdade e os valores da convivencia e a paz.
Fonte: Hürriyet Daily News
A CPLP e a televisión de Timor Leste asinan un acordo para difundir a lingua portuguesa
A Comunidade de Países de Lingua Portuguesa (CPLP) e a televisión de Timor Leste (RTTL) asinaron un acordo para conseguir que a estación pública de televisión poida ofrecer contidos 100 % en portugués.
Fonte: El Trapezio
Un parlamentario do Plaid Cymru pide que as normas de uso do galés sexan de aplicación tamén para as entidades bancarias
Llŷr Gruffydd, membro do partido Plaid Cymru, pediu en sesión parlamentaria que as entidades bancarias como o HSBC cumpran tamén estritamente os estándares de uso da lingua galesa.
Fonte: Herald Wales
O vietnamita convértese en lingua oficial da cidade de San Francisco
O vietnamita é agora, xunto co español, chinés e filipino, idioma oficial da cidade estadounidense de San Francisco. Como resultado, o municipio deberá ofrecerlle á comunidade procedente de Vietnam servizos e materiais traducidos a esta lingua.
Fonte: NBC News
Casaquistán aproba unha lei que garante máis contidos radiofónicos en casaco
O presidente de Casaquistán, Kasim-Jomart Tokayev, anunciou que a nova lei dos medios de comunicación garantirá o incremento do número de horas de lingua casaca na radio e na televisión.
Fonte: Azernews
Un acordo institucional velará pola promoción e difusión do quechua no Perú
A Universidade Nacional de Arte Diego Quispe Tito de Cuzco e a prestixiosa Academia Maior da Lingua Quechua asinan un acordo de colaboración co obxectivo de fomentar a investigación, estudo e difusión da lingua quechua.
Fonte: Gob.pe
Finlandia deberá fortalecer o ensino nas diferentes variedades da lingua saami
O Comité de Expertos da Carta Europea das Linguas Rexionais ou Minoritarias esíxelle a Finlandia que fortaleza o ensino nas tres variedades de lingua saami faladas no seu territorio e que garanta o seu uso nos servizos sociais e de atención sanitaria.
Fonte: Council of Europe
O Teatro Nacional de Letonia prohibe as obras en lingua rusa
O Teatro Nacional de Letonia impuxo unha moratoria ás producións en lingua rusa. A medida estará en vigor até o final da guerra en Ucraína.
Fonte: Azerbaycan24
Google anuncia o lanzamento dunha aplicación por IA para dar soporte a 9 linguas indias
O xigante tecnolóxico Google lanza na India a aplicación por intelixencia artificial Gemini que dará cobertura a nove linguas vernáculas da India alén do inglés.
Fonte: The Hindu
Un grupo de expertos tecnolóxicos está a traballar para desenvolver ferramentas de IA en linguas africanas
Un grupo de expertos tecnolóxicos de Nixeria están a traballar para poder crear ferramentas de intelixencia artificial para linguas africanas como o suahili ou o zulú. Para ter éxito, deberanse resolver antes as cuestións de tipo ético ou superar os retos asociados á escaseza de datos.
Fonte: Context
Boletín
Subscríbase ao boletín
