Mundo
Un estudo revela que a pobreza infantil pode causar un atraso no desenvolvemento lingüístico
Un estudo publicado na revista Brain and Language revela que a situación de pobreza na infancia pode ter un impacto negativo á hora de procesar e desenvolver os contidos lingüísticos.
Fonte: Psypost
O municipio brasileiro de Blumenau celebra a Semana da Lingua Alemá
A Asociación Empresarial de Blumenau, no municipio do mesmo nome do estado brasileiro de Santa Catarina, organiza a Semana da Lingua Alemá. Trátase dunha iniciativa creada en 2016 polas embaixadas de Alemaña, Austria, Bélxica, Luxemburgo e Suíza para promover o uso do alemán como lingua comunitaria no Brasil.
Fonte: Portal Menina
O Museo da Lingua Portuguesa de São Paulo terá acceso gratuíto até agosto
O Museo da Lingua Portuguesa de São Paulo terá entrada gratuíta todos os sábados e domingos até o 31 de agosto.
Fonte: Gazeta de S.Paulo
O Parlamento de Islandia aproba un plan de acción para a promoción do islandés
O Alþingi, ou Parlamento de Islandia, aprobou un plan de acción con 22 medidas que buscan a promoción e preservación da lingua islandesa en varios ámbitos.
Fonte: Iceland Review
Unha obra escénica promove a lingua galesa entre o alumnado de secundaria
A obra teatral Geiriau (Palabras) fai parte dun proxecto do Comisario da Lingua Galesa para promover o uso do galés entre o alumnado de secundaria.
Fonte: Nation Cymru
A asemblea lexislativa de Ontario acolle por vez primeira un discurso nunha lingua diferente ao inglés ou francés
O deputado da asemblea lexislativa da provincia canadense de Ontario, Sol Mamakwa, pronuncia un discurso na lingua indíxena oji-cree e convértese na primeira persoa en empregar unha lingua diferente do inglés ou francés na cámara.
Fonte: APT News
O presidente de Polonia veda o recoñecemento oficial da lingua silesiana
O presidente de Polonia, Andrzej Duda, vedou a lei que pretendía recoñecer o silesiano como lingua oficial. A norma fora aprobada polo goberno actual no Parlamento.
Fonte: TVP World
O Xapón está a apostar cada vez máis polo ensino da lingua inglesa
O ensino da lingua inglesa está en alza no Xapón grazas á proliferación de escolas bilingües por todo o país. O obxectivo é conseguir que a próxima xeración de xaponeses fale inglés con fluidez.
Fonte: Japan Times
Un libro derruba preconceptos sobre as orixes da lingua portuguesa
O lingüista portugués Fernando Venâncio segue a derrubar prexuízos sobre a lingua portuguesa no seu libro Assim nasceu uma língua: Sobre as origens do português, recentemente editado no Brasil. O autor desafía a visión tradicional e revela que o portugués deriva do galego.
Fonte: VEJA
O alumnado estranxeiro en Portugal ten só cinco horas de ensino de portugués á semana
O número de alumnos e alumnas de orixe estranxeira non deixa de medrar en Portugal. A grande maioría deste alumnado frecuenta escolas públicas onde o número total de horas dedicadas ao ensino do portugués non supera as cinco semanais.
Fonte: SIC Notícias
Boletín
Subscríbase ao boletín
