Mundo
Os países nórdicos asinan unha declaración que fortalecerá as linguas da rexión
Os ministerios de cultura de diferentes países nórdicos asinaron unha declaración conxunta que garantirá a protección e fortalecemento das súas comunidades lingüísticas, desde o noruegués, sueco, islandés e finés, até o dinamarqués, saami, feroés e groenlandés. Tamén se inclúen nesta declaración as linguas de signos e as linguas de minorías que levan anos afincadas na rexión nórdica.
Fonte: Nordic Co-operation
As persoas migrantes que cheguen a Irlanda poderán integrarse por medio da aprendizaxe do gaélico irlandés
O ministro de Estado das Gaeltacht, ou zonas de fala gaélica, anunciou a implantación do programa Céad Míle Fáilte que permitirá que as persoas migrantes poidan aprender a lingua vernácula para se integraren mellor nos seus lugares de acollida.
Fonte: The Irish Post
Atrásase a construción do Museo da Lingua Portuguesa de Bragança
O presidente da Cámara Municipal de Bragança anunciou que a execución das obras do Museo da Lingua Portuguesa está a sufrir un considerable atraso.
Fonte: Jornal de Notícias
O Reino Unido financiará un programa millonario para promover a aprendizaxe do inglés en Mongolia
O ministro de Asuntos Exteriores, David Cameron, visitou Mongolia para reiterar o seu apoio ao programa Pearson de lingua inglesa cun orzamento de 10 millóns de libras esterlinas.
Fonte: AKIpress
O Senegal adopta o árabe como lingua oficial
O Goberno do Senegal anunciou que o árabe vai ser lingua oficial do país en detrimento do francés.
Fonte: Middle East Monitor
Unha enfermeira francesa crea un sitio web con traducións de termos médicos en varias linguas
Unha enfermeira do norte de Francia creou un sitio web con terminoloxía en varias linguas para que profesionais francófonos poidan comunicarse con pacientes que falen outros idiomas.
Fonte: The Connexion
O Instituto Confucio organiza un concurso de chinés en Ucraína
O Instituto Confucio da Universidade Nacional de Lingüística de Kiev organizou un concurso de lingua chinesa para estudantes ucraínos por primeira vez en catro anos.
Fonte: Xinhuanet
O Parlamento de Polonia aprobará unha lei para recoñecer o silesiano como lingua rexional
O recentemente constituído parlamento polaco aprobará unha lei que recoñecerá oficialmente o silesiano como lingua rexional.
Fonte: Notes from Poland
Profesorado de linguas minoritarias apela o Goberno de Portugal a que ratifique a Carta Europea das Linguas
Especialistas en linguas minoritarias pedíronlle ao Goberno de Portugal que ratifique a Carta Europea das Linguas Rexionais e Minoritarias para que o mirandés poida beneficiarse de axudas nacionais e europeas.
Fonte: Mensageiro de Bragança
Crean unha biblioteca en plena Amazonia peruana para preservar as linguas indíxenas
A cidade de Tocache, no departamento peruano de San Martiño, inaugurou a primeira Biblioteca Intercultural do país co fin de realizar actividades e iniciativas que promovan o uso e a aprendizaxe das linguas indíxenas.
Fonte: Infobae
Boletín
Subscríbase ao boletín
