España
O Concello de Vitoria-Gasteiz subvenciona cursos de éuscaro para diferentes colectivos
Destinaranse 560 000 euros a cursos de éuscaro para familias con fillos/as en idade escolar, persoas maiores de 55 anos, persoal de comercio e hostalería e persoas de orixe estranxeira.
O Goberno español organiza un encontro para a posta en marcha dun modelo de linguaxe en castelán e no resto de linguas cooficiais
No marco da Estratexia de Intelixencia Artificial 2024, celebrouse unha primeira xuntanza das entidades implicadas no Convenio de Gobernanza para Xerar Modelos e Corpus para unha infraestrutura pública de Modelos de Linguaxe na que asinaron un convenio.
Fonte: La Moncloa
O Goberno de Navarra subvencionará os centros de ensinanza de éuscaro
Esta convocatoria de axudas, que conta cun orzamento de 2 700 000 euros, está destinada a entidades promotoras de euskaltegis e gau-eskolas que ensinan éuscaro a persoas adultas.
Fonte: Gobierno de Navarra
Os centros sanitarios públicos de Cataluña contarán cun plan de xestión lingüística
Estes plans de xestión lingüística garantirán que as persoas usuarias sexan atendidas na lingua da súa elección e que se respecten os seus dereitos lingüísticos.
Fonte: VilaWeb
Unha nova campaña invita os profesionais do sector sanitario a escoller o éuscaro como lingua de preferencia
O Servizo Vasco de Saúde lanza esta campaña na que convida os profesionais sanitarios a escoller o éuscaro como lingua de preferencia a través dunha aplicación na que poderán rexistrar o idioma, o que lles permitirá facer unha mellor oferta de servizos.
Fonte: Gobierno Vasco
Selecciónase o proxecto gañador da nova axuda para impulsar curtametraxes de xénero fantástico en éuscaro
Olentzerori eskatu nion, de Amaia San Sebastián, converteuse no proxecto gañador da nova axuda para impulsar a produción de curtametraxes de xénero fantástico en éuscaro que se entregou no marco do Festival de Cine Fantástico – FANT, organizado polo Concello de Bilbao.
Fonte: Ayuntamiento de Bilbao
Preséntase unha guía dirixida aos profesionais sanitarios para falar en catalán cos pacientes
No acto de benvida a novos residentes, destacouse a importancia da atención sanitaria en catalán aos pacientes e repartiuse entre os asistentes a Guia fàcil per parlar en català amb els pacients.
Fonte: Generalitat de Catalunya
O Concello de Pamplona subvencionará a aprendizaxe do éuscaro para a poboación maior de 16 anos
A convocatoria de axudas para aprender éuscaro a través de clases presenciais ou en liña conta cun orzamento de 55 000 euros e busca fomentar a participación cidadá nos cursos de aprendizaxe e perfeccionamento desta lingua.
Fonte: Pamplona Actual
O Concello de Elx somete a consulta pública o Proxecto de Regulamento de Cooficialidade Lingüística do Municipio
O Proxecto de Regulamento de Cooficialidade Lingüística do Municipio de Elx establece a cooficialidade do valenciano e castelán e que ambas as linguas se empregarán nos documentos municipais, acordos, toponimia etc.
Fonte: Ayuntamiento de Elche
O Diario Oficial da Generalitat de Cataluña publica máis de 250 novos termos
En total, publicáronse 257 novos termos cataláns normalizados entre os que destacan polo seu número os dedicados á economía e á empresa; á enerxía e ao medio natural; á comunicación, á informática e ás TIC; e á zooloxía.
Fonte: Generalitat de Catalunya
Boletín
Subscríbase ao boletín
