Mocidade
XuvenCiencia traduce ao galego o proxecto de divulgación científica ‘Ciencia-me un cuento’
XuvenCiencia, grupo de innovación docente da Universidade de Santiago, na súa aposta pola normalización do galego como lingua de divulgación científica, traduciu o proxecto ‘Ciencia-me un cuento’, unha iniciativa que consta de varios relatos adaptados ao público escolar que só está accesible en inglés e castelán.
A Universidade de Vigo crea un premio de investigación xurídica en lingua galega
A Facultade de Ciencias Xurídicas e do Traballo convocará o I Premio de Investigación xurídica en lingua galega, un galardón destinado a estudantes de grao e mestrado de calquera universidade española que ten como obxectivo promover o uso do galego nos traballos de investigación deste eido.
Fonte: Universidade de Vigo
A serie de vídeos de `Brincadeiras da lingua’ chega cunha segunda edición para seguir difundindo os ditos infantís galegos
O secretario xeral de Política Lingüística, Valentín García, participou na presentación da segunda entrega de Brincadeiras da lingua, unha serie de pílulas audiovisuais realizadas por Migallas Teatro ao abeiro do Fondo de Proxectos Culturais Xacobeo.
Fonte: O Portal da Lingua Galega
A Universidade de Vigo publica novas guías prácticas para o ensino secundario sobre monolingüismo, histoloxía e repartimentos
A Área de Normalización Lingüística acaba de publicar tres novas guías, que se suman ás catro editadas hai un ano, co obxectivo de achegar ao alumnado de ensino secundario os resultados das investigacións sobre os problemas de repartimentos, histoloxía e monolingüismo. Estas guías remitiranse aos equipos de dinamización lingüística dos centros de secundaria de Pontevedra e Ourense.
Fonte: Universidade de Vigo
Preto de 4000 participantes inician o reto de ‘21 Días co galego e +’ baixo o lema ‘Creando en galego no século XXI’
A cuarta edición de «21 días co galego e +» bota a andar coa finalidade de promover o uso do galego oral entre a xente nova. Este programa, impulsado pola Consellería de Cultura, Educación e Universidade, conta coa participación de 3845 persoas entre alumnado, docentes e persoal de administración e servizos. Unha cifra que aumenta respecto ao curso anterior.
Fonte: O Portal da Lingua Galega
A Xunta e a USC colaborarán nun proxecto dixital que busca avanzar no estudo do neofalantismo
A Xunta de Galicia e a Universidade de Santiago de Compostela (USC) colaborarán nun novo proxecto dixital que, a través das novas tecnoloxías, busca avanzar no estudo do neofalantismo. Un proxecto de tres anos de duración dividido en tres fases e co que o Goberno galego e a USC pretenden impulsar e poñer en valor o neofalantismo e as conexións do galego co mundo da empresa e da lusofonía.
Fonte: O Portal da Lingua Galega
A RAG e PuntoGal convocan a quinta edición do seu concurso de microrrelatos para que o galego gañe espazo na rede
A Real Academia Galega e a Asociación PuntoGal convocan a quinta edición do seu certame de microrrelatos que ten como obxectivo reforzar a presenza do galego no mundo dixital.
Fonte: Real Academia Galega
Unha unidade didáctica sobre as Tanxugueiras permite traballar contidos de música e sociolingüística nas aulas
O tema Terra das Tanxugueiras serviulle ao profesor Cándido Paniagua para elaborar a unidade didáctica “Veñen para quedar”, adaptable aos diferentes niveis educativos para traballar contidos de música e sociolingüística nas aulas.
Fonte: Consello da Cultura Galega
O Consello da Cultura Galega e a USC presentan unha nova versión de Proxector
O Consello da Cultura Galega e a Universidade de Santiago presentaron Proxector, un repositorio que escolma recursos da rede sobre as diferentes disciplinas científicas, co principal nexo común que están en galego ou dispoñen de versións subtituladas na nosa lingua.
Fonte: Consello da Cultura Galega
Convócanse os premios a curtas de animación en galego «Nós tamén creamos!»
A Secretaría Xeral de Política Lingüística e a Secretaría Xeral de Educación e Formación Profesional da Consellería de Cultura, Educación e Universidade convocan os premios a curtas de animación en galego elaboradas no marco do programa «Nós tamén creamos!» para o curso académico 2021/2022.
Fonte: O Portal da Lingua Galega
Boletín
Subscríbase ao boletín
