Cataluña
A Generalitat de Cataluña abre o prazo para inscribirse no Censo de entidades de fomento da lingua catalá
O Goberno de Cataluña abriu o prazo para inscribirse ou renovar a inscrición no Censo de entidades de fomento da lingua catalá, dependente da Dirección Xeral de Política Lingüística, para o que será necesario presentar unha memoria sobre as actividades levadas a cabo durante 2019.
Fonte: La Vanguardia
O Goberno de Cataluña promoverá o catalán entre a comunidade musulmá
A Generalitat vén de asinar un convenio coa Unión de Comunidades Islámicas de Cataluña por valor de 10 000 euros para o fomento do coñecemento e uso da lingua catalá entre as comunidades islámicas que residen nesta comunidade.
Fonte: Mundo Islam
O Consello Social da Lingua Catalá aproba os últimos ditames dos informes de política lingüística de 2016 e 2017
A Comisión Permanente do Consello Social da Lingua Catalá aprobou os últimos ditames dos informes de política lingüística dos anos 2016 e 2017, en cuxas conclusións se propón un gran pacto para o uso social do catalá.
Fonte: Generalitat de Cataluña
Publícase o primeiro manual sobre sintaxe xenerativa en catalán
Elements de sintaxi generativa, publicado pola Universidade Oberta de Cataluña (UOC), é obra do profesor Jordi Fortuny Andreu e supón o primeiro manual sobre sintaxe xenerativa en lingua catalá.
Fonte: La Vanguardia
Só o 2 % das webs da Administración Xeral do Estado ten versións operativas en catalán
Un estudo realizado pola Plataforma per la Llengua revela que un 2 % dos sitios web da Administración Xeral do Estado teñen unha versión completamente operativa en lingua catalá e iso a pesar de que no 2017 se presentou unha proposición de lei para que os portais web tivesen versión nas outras linguas cooficiais.
Fonte: El Nacional
Barcelona confírmase como cidade cosmopolita na que conviven arredor de 300 linguas
Segundo datos da Universidade de Barcelona, na cidade conviven 174 nacionalidades e máis de 300 linguas. Despois do catalán e o castelán figuran, por esta orde, amazig, árabe, bengalí e urdú. Así mesmo, Linguapax Internacional engade que en Barcelona se falan principalmente 38, entre as que se sitúan, ademais das mencionadas, o chinés mandarín, o romanés, o inglés, o ruso ou o quechua.
Fonte: 20 minutos
O Consorcio para a Normalización Lingüística de Cataluña renova a súa web para celebrar o seu 30 aniversario
A raíz desta celebración, o Consorcio para a Normalización Lingüística renova a súa web e impulsa a súa actividade en redes sociais, para facela máis visible e achegar os contidos aos usuarios que queiran aprender catalán, principalmente os recentemente chegados a Cataluña.
Fonte: Generalitat de Catalunya
O 78 % da poboación da Área Metropolitana de Barcelona sabe falar catalán
Segundo a enquisa de usos lingüísticos do catalán, un 93,8 % da poboación da área metropolitana barcelonesa entende o catalán e o 78,4 % tamén o sabe falar, fronte á media da comunidade, do 81,2 %. Os datos demostran un impacto lingüístico desigual derivado dos importantes movementos migratorios desta zona.
Fonte: La Vanguardia
Comeza un novo programa de sensibilización sobre o uso do catalán no comercio de 18 cidades
O programa está orientado a persoas recentemente chegadas a Cataluña e busca concienciar sobre o uso do catalán a través de materiais de mercadotecnia en distintos idiomas sobre as obrigas lingüísticas contidas no Código de Consumo catalán.
Fonte: Generalitat de Catalunya
O Termcat suma o seu Léxico para doenzas minoritarias ás actividades do Maratón televisivo da TV3
O Léxico de doenzas minoritarias, elaborado en colaboración co Servizo Catalán da Saúde, recolle máis de 470 conceptos sobre estas enfermidades en catalán, coas súas equivalencias en castelán, inglés e francés.
Fonte: Generalitat de Catalunya
Boletín
Subscríbase ao boletín
