Illas Baleares
O Concello de Palma presenta o seu Servizo de Dinamización Lingüística
O Servizo de Dinamización Lingüística do Concello de Palma conta con dúas dinamizadoras socioculturais e unha coordinadora, e dispón dun orzamento de 120 000 euros. Con este proxecto búscase garantir o dereito da cidadanía de coñecer a lingua catalá e impulsar o seu uso.
Fonte: Última Hora
O Concello de Palma deseña unha guía de recursos do catalán
A Guía de recursos del catalán en Palma, impulsada polo Concello, distribuirase en bibliotecas municipais e puntos de atención cidadá co obxectivo de fomentar a dinamización lingüística.
Fonte: La Vanguardia
O Goberno balear esixe que o topónimo Maó sexa a única forma oficial que utilice este Concello
O Executivo balear esíxelle ao Concello de Maó, na illa de Menorca, que, en cumprimento da Lei de normalización lingüística, adopte a versión catalá e oficial do topónimo (Maó) como única denominación do municipio.
Fonte: Diario de Mallorca
Lanzan a web Mallorcat, unha ferramenta de autoaprendizaxe en liña do catalán
A Dirección Insular de Política Lingüística creou Mallorcat, unha ferramenta web para a autoaprendizaxe do catalán de nivel inicial, pero que tamén serve de recurso didáctico para docentes.
Fonte: La Vanguardia
O Goberno balear pon en marcha a Oficina de Defensa dos Dereitos Lingüísticos
A nova Oficina de Defensa dos Dereitos Lingüísticos é un novo organismo público centrado, principalmente, en tramitar reclamacións sobre vulneración dos devanditos dereitos. Así mesmo, atenderá consultas sobre a normativa que os ampara e divulgará información sobre a materia.
Fonte: Mallorca Confidencial
Arredor de 8100 persoas no arquipélago balear están inscritas nas probas de lingua catalá
As probas de lingua catalá da Dirección Xeral de Política Lingüística das Baleares celebraranse durante os meses de xaneiro e febreiro de 2021. Nelas inscribíronse 8122 persoas, o que supón un incremento de case 2000 inscricións respecto á última convocatoria.
Fonte: Menorca
Comeza unha campaña en Eivisa para fomentar a participación no programa de Voluntariado Lingüístico
O Instituto de Estudos Eivisencos organiza unha nova campaña para promover a participación no programa de Voluntariado Lingüístico, unha iniciativa que busca dinamizar o uso social do catalán na illa a través da formación de parellas lingüísticas e encontros en grupo.
Fonte: Diario de Ibiza
O Goberno balear destina 575 000 euros en subvencións a medios de comunicación en catalán
O Goberno balear concedeu axudas por valor de 575 000 euros a medios de comunicación en catalán do arquipélago, tanto prensa como publicacións especializadas, radio e televisión. Con esta liña de subvencións o executivo busca garantir o dereito lingüístico da cidadanía a recibir información nesta lingua.
Fonte: Última Hora
A Dirección Insular de Política Lingüística de Mallorca contrata dous estudos sobre o catalán nos medios e na mocidade
A contratación destes dous estudos a especialistas, que recibirán un máximo de 8954 euros, ten como obxectivo fomentar a investigación e aumentar a documentación lingüística circunscrita ao ámbito de Mallorca.
Fonte: 20minutos
A Oficina de Defensa dos Dereitos Lingüísticos das Illas Baleares estará operativa en 2021
O conselleiro de Educación anunciou que en 2021 comezará a funcionar a Oficina de Defensa dos Dereitos Lingüísticos. Está será unha das actuacións para o vindeiro ano da Dirección Xeral de Política Lingüística, que contará con algo máis de 3 000 000 de euros de orzamento para o próximo exercicio.
Fonte: Diario de Mallorca
Boletín
Subscríbase ao boletín
