Illas Baleares
O Consell de Mallorca lanza unha nova campaña para dinamizar o uso do catalán nas redes sociais
Esta campaña da Dirección Insular de Política Lingüística consiste en usar gifs en catalán nas historias de 24 horas ou nas mensaxes de Instagram.
Fonte: Diario de Mallorca
O Goberno balear organiza un concurso para youtubers en catalán
O Goberno balear, en colaboración cos concellos do arquipélago, puxo en marcha un concurso para mozas e mozos youtubers en catalán co obxectivo de crear e difundir contidos audiovisuais nesta lingua.
Fonte: Diario de Mallorca
O Goberno balear investiga varios casos recentes de discriminación lingüística denunciados nas redes sociais
O Goberno balear, a través da Oficina de Defensa de Dereitos Lingüísticos, está a investigar varios casos de discriminación lingüística denunciados nas redes sociais.
Fonte: Última Hora
O Consell de Mallorca convoca unha liña de subvencións destinada a editar libros e discos en catalán
O Consell de Mallorca destinará 300 000 euros a axudas para a edición de libros e fonogramas en catalán co obxectivo de incrementar o coñecemento e a presenza social desta lingua, así como apoiar a industria editorial e discográfica da illa.
Fonte: Crónica Balear
O Consell de Menorca convoca axudas destinadas ao fomento do catalán en empresas e asociacións
O Consell de Menorca, co obxectivo de impulsar o uso do catalán en empresas, asociacións e entidades deportivas da illa, destinará 40.000 euros en 2021 a apoiar a edición de libros, música e vídeos nesta lingua, así como a rotulación dos establecementos, a etiquetaxe ou as páxinas web.
Fonte: Menorca.Info
O Parlamento balear impulsará o uso da lingua de signos na Cámara
A Cámara comprométese, coa aprobación dunha proposición non de lei, a interpretar en lingua de signos todo o que sexa de acceso público a través da web ou doutras canles de comunicación visual.
Fonte: 20minutos
O Parlamento balear solicita un aumento das horas de emisión en catalán en TVE
O Parlamento balear insta o Goberno estatal e RTVE a ampliar as desconexións territoriais e a que se emita no arquipélago toda a programación en catalán que agora está restrinxida a Cataluña.
Fonte: 20minutos
Responsables da política lingüística do Goberno balear e dos consellos insulares reúnense para coordinar proxectos de fomento do catalán
A reunión mantida entre os máximos responsables das áreas de política lingüística do Goberno balear e dos consellos insulares serviu para coordinar proxectos de fomento da lingua, como campañas dirixidas á mocidade, liñas de subvencións, formación etc.
Fonte: 20minutos
O Departamento de Cultura, Patrimonio e Política Lingüística de Mallorca repartirá axudas entre empresas e entidades que fomenten o catalán
Destinaranse 150 000 euros en axudas a empresas e entidades que impulsen o uso do catalán. En concreto subvencionaranse accións como etiquetaxe, carteis, merchandaxe, páxinas web etc.
Fonte: Diario de Mallorca
O Parlamento balear aproba unha proposición non de lei que recoñece a unidade da lingua catalá
A proposición non de lei, presentada por Més per Menorca, recoñece a unidade do catalán, sen que isto supoña un menosprezo doutras denominacións existentes para esta lingua.
Fonte: Mallorca Diario
Boletín
Subscríbase ao boletín
