Illas Baleares
Un concerto en Menorca reivindicará o uso do catalán
O evento terá lugar o 31 de agosto no auditorio municipal e nel participarán artistas de Menorca co obxectivo de reivindicar o uso da lingua catalá e promover a música feita na illa.
Fonte: Racó Català
Apróbanse en Menorca as axudas para o fomento do uso do catalán
O valor total das subvencións ascende a 39 183 euros, destinadas a promover o catalán na produción de libros, música e audiovisual; para fomentar a presenza desta lingua en empresas e no deporte; e para apoiar, en xeral, actividades de dinamización lingüística.
Fonte: Sóller
O Concello de Palma de Mallorca pon en marcha un servizo de dinamización lingüística
O novo servizo de dinamización para o coñecemento e uso do catalán estará dotado para a súa posta en funcionamento de 85 000 euros, cos que se organizarán distintas iniciativas de normalización lingüística.
Fonte: Diario de Mallorca
Instan o Goberno balear a prestixiar o uso do catalán desde o departamento de Presidencia
Desde a organización Obra Cultural Balear solicítanlle á presidenta do Goberno do arquipélago que se lle dea maior prestixio ao uso do catalán desde o departamento de Presidencia.
Fonte: 20 Minutos
Publícase en Baleares unha edición en mallorquino da obra "O Principiño"
Esta obra foi editada e publicada pola Fundación Jaume III baixo a denominación Es Petit Príncep, logo da iniciativa particular do editor catalán Jaume Arbonés. A encargada da tradución foi a filóloga Sandra Amoraga Carrera.
Fonte: ABC
O Servizo de Política Lingüística de Menorca distribúe manteis en catalán entre os establecementos de restauración
Os manteis distribuiranse entre os restaurantes das zonas antigas dos diferetes municipios de Menorca. Esta acción ten como obxectivo implicar os diferentes sectores económicos da illa, neste caso a hostalería, no fomento da lingua catalá.
Fonte: ABC
A asociación Joves per la Llengua recibe un galardón pola súa contribución á normalización lingüística
Recibirán o premio Santa Anneta, outorgado polo Centro Cultural de Algaida, como recoñecemento á súa capacidade asociativa e á promoción da interculturalidade e a lingua catalá que realizan entre os mozos e mozas.
Fonte: Diario de Mallorca
Un milleiro de persoas acoden a celebrar a xornada da Mocidade de Mallorca pola Lingua
Arredor dun milleiro de persoas asistiron ao 25 aniversario da Mocidade de Mallorca pola Lingua. Trátase dun evento onde actúan diversos grupos de música en catalán e se le un manifesto de reivindicación polo uso da lingua propia.
Fonte: Mallorca Diario
Palma de Mallorca facilitará a aprendizaxe de catalán a policías e gardas civís que sexan destinados á cidade
O Concello de Palma de Mallorca ofrecerá cursos de catalán a policías nacionais e gardas civís que sexan destinados á cidade. Deste xeito, buscan garantir a seguridade lingüística, así como cumprir o exposto na Lei orgánica 11/2007 que regula os dereitos e deberes da Garda Civil.
Fonte: Última Hora
O Goberno balear abre o prazo de solicitude das axudas á edición en catalán de prensa escrita
A Consellería de Cultura, Participación e Deportes balear abre unha nova convocatoria de subvencións dirixidas a empresas e entidades sen ánimo de lucro que teñen como actividade a edición de publicacións de carácter periodístico. A finalidade destas axudas, 275 000 euros en total, é apoiar proxectos de prensa diaria escrita, total ou parcialmente, en catalán.
Fonte: 20 minutos
Boletín
Subscríbase ao boletín
