Co fin de fomentar a competencia en galego da sociedade, a Secretaría Xeral de Política Lingüística convoca para 2011 un total de 140 cursos de lingua galega preparatorios para as probas dos niveis Celga 1, Celga 2, Celga 3 e Celga 4.

Fonte: Xunta de Galicia

A incorporación da lingua galega ao ámbito das ciencias suma un novo impulso coa publicación do Dicionario de Bioloxía. Esta obra de carácter global, que abrangue toda a Bioloxía, inclúe termos en galego relacionados coa Antropoloxía, a Bioquímica e a Bioloxía Molecular, a Zooloxía, a Botánica, a Fisioloxía, a Xenética, a Microbioloxía, a Ecoloxía, a Bioloxía Celular e o Medio Ambiente.

Fonte: Xunta de Galicia

Música, palabra, teatro, cantigas tradicionais e moitos xogos. Os Axóuxeres regresan con forza para facer gozar os máis pequeniños da casa coa lingua galega. E fano retomando a edición 2010-2011 deste programa co que a Secretaría Xeral de Política Lingüística pretende favorecer a incorporación do galego á comunicación entre as familias e os bebés.

Fonte: Xunta de Galicia

Galeguizargalicia.tv, a canle creada recentemente polos grupos que integran galeguizargalicia.com, ten como obxectivo difundir vídeos das súas actividades a favor da lingua galega.

Fonte: galeguizargalicia.tv

A lingua galega quere contribuír á promoción da diversidade lingüística e cultural coa súa presenza na Expolingua de París 2011. A Secretaría Xeral de Política Lingüística participa nesta feira internacional na que se dan cita un total de 50 idiomas e 200 expositores de múltiples países do mundo.

Fonte: Xunta de Galicia

En 1999, a Unesco declarou o 21 de febreiro Día Internacional da Lingua Materna. O obxectivo desta celebración é impulsar a práctica das linguas maternas en todo o mundo e, en especial, as das minorías, por seren as que se encontran nunha situación máis difícil.

Fonte: Xunta de Galicia

Persoas de todo o mundo poden seguir o xoves 24 de febreiro ás 19.00 horas o acto de presentación das novas ferramentas tecnolóxicas dispoñibles en galego. Vía Lync, os internautas terán a posibilidade de asistir de forma virtual ao acto no que a Xunta de Galicia dará a coñecer os últimos produtos de Microsoft en lingua galega.

Fonte: Xunta de Galicia

O secretario xeral de Política Lingüística, Anxo Lorenzo, visitou o Instituto Cañada Blanch de Londres, onde impartiu unha aula sobre lingua galega para alumnado de 1º e 2º da ESO. Durante o encontro cos estudantes, o secretario xeral tivo ocasión de presentarlles a situación actual da lingua galega no marco plurilingüe do Estado español.

Fonte: Xunta de Galicia

Os XIII Encontros para a Normalización Lingüística celebraranse os vindeiros días 28 e 29 de abril de 2011 na Facultade de Ciencias da Comunicación da Universidade de Santiago de Compostela. Nesta edición os Encontros van prestar unha especial atención ao tema da lingua como elemento de cohesión social e á análise da acción política no ámbito municipal, sen esquecer a liña habitual de seguimento de iniciativas e de revisión de accións xa realizadas.

Fonte: Consello da Cultura Galega

A Secretaría Xeral de Política Lingüística convoca as axudas de 2011 destinadas a fomentar o uso do galego desde o ámbito local. A nova orde de subvencións para as entidades locais publicouse no Diario Oficial de Galicia do 11 de marzo de 2011.

Fonte: Xunta de Galicia