Arredor de 2000 horas de gravacións, con voces duns 7000 informantes, conforman na actualidade o Arquivo do Galego Oral (AGO), un proxecto no que o Instituto da Lingua Galega (ILG) vén investigando desde o ano 1974 e que conta co apoio da Secretaría Xeral de Política Lingüística.

Fonte: Xunta de Galicia

Trátase dun sistema que permite a busca e tradución de contidos audiovisuais en todas as linguas do Estado español, ademais do inglés. Este sistema multilingüe estase a desenvolver no marco de Buceador, un proxecto de investigación realizado dentro do Plan nacional de I+D coa participación das Universidades Politécnica de Cataluña, País Vasco e Vigo.

Fonte: Universidade de Vigo

Ofrecer as principais pautas do traballo en promoción social da lingua galega. Ese é o obxectivo fundamental do Seminario de Iniciación á Dinamización da Lingua Galega desde as Entidades Locais, a primeira acción de formación nesta materia que organiza a Xunta de Galicia, a través da Secretaría Xeral de Política Lingüística, para os técnicos dos concellos e que se enmarca dentro da actividade da Rede de Dinamización Lingüística.

Fonte: Xunta de Galicia

Os máximos responsables da política lingüística de Galicia, País Vasco, Cataluña e Baleares –Anxo Lorenzo, Lourdes Auzmendi, Yvonne Griley e Margalida Tous, respectivamente– participaron na reunión da comisión de seguimento do protocolo de colaboración que manteñen os catro gobernos en materia de política lingüística e que ten como obxectivo prioritario impulsar a presenza e o recoñecemento das súas linguas propias no ámbito estatal e europeo.

Fonte: Xunta de Galicia

A Secretaría Xeral de Política Lingüística e a Dirección Xeral de Xuventude e Voluntariado propoñen para este verán un programa de dinamización lingüística dirixido a fomentar o uso do galego entre a mocidade a través dos campamentos que organiza a Xunta de Galicia.

Fonte: Xunta de Galicia

En colaboración coas tres universidades galegas, a Secretaría Xeral de Política Lingüística promove durante este mes de xullo a realización de cursos de verán de lingua e literatura galegas para estudantes de fóra de Galicia.

Fonte: Xunta de Galicia

O presidente da Xunta de Galicia, Alberto Núñez Feijóo, destacou o labor do Instituto da Lingua Galega no estudo e na investigación permanente do idioma galego para que "sexa un elemento de cohesión social".

Fonte: Universidade de Santiago de Compostela

O conselleiro de Educación, Xesús Vázquez, e o presidente do Consello da Cultura Galega (CCG), Ramón Villares, asinaron un convenio de colaboración en materia de normalización lingüística no ámbito local.

Fonte: La Voz de Galicia

A Secretaría Xeral de Política Lingüística e a Universidade de Santiago de Compostela (USC) desenvolverán, ao longo deste ano e durante o 2012, un programa de actuacións en materia de investigación lingüística a través do Instituto da Lingua Galega.

Fonte: Xunta de Galicia

Galicia Confidencial poderase ler en calquera libro electrónico. Susana Sotelo Docío, tecnóloga da Universidade de Santiago, creou unha receita para o programa Calibre que permite aos usuarios seguir este xornal dende os seus libros electrónicos. Galicia Confidencial convértese así no primeiro medio en galego cunha receita para este software libre.

Fonte: Galicia Confidencial