A Rede de Dinamización Lingüística (RDL), que promove a Xunta de Galicia a través da Secretaría Xeral de Política Lingüística da Consellería de Cultura e Educación, celebra o seu primeiro Nadal ofrecéndolle á cidadanía interesantes actividades de promoción da lingua galega enmarcadas en dous programas de dinamización: FalaRedes e Nadal en Rede.

Fonte: Xunta de Galicia

Un novo portal, Chío!, explica que a rede social aínda non está no idioma galego, malia que a tradución está case finalizada, porque "non hai suficientes votacións polos termos traducidos".

Fonte: Galicia Confidencial

Os servidores FTP de Mozilla contan, antes do seu anuncio oficial, coa versión definitiva do Firefox 18, nova versión do navegador web que xa está dispoñible para a súa descarga en galego para Windows, OS X e Linux.

Fonte: Código Cero

O vindeiro mes de marzo a Galipedia celebra o seu décimo aniversario e para tal celebración están a organizar distintas actividades por toda Galicia entre as que destacan especialmente obradoiros de edición en creación de contidos na Wikipedia en galego.

Fonte: Código Cero

Unha nova plataforma social chega a internet baixo o nome de Vituin, que presume de ser “a rede social de Galicia” e destaca por estar dispoñible en inglés, español, portugués e galego.

Fonte: Código Cero

A rede de excelencia Meta-Net, constituída por 60 centros de investigación de 34 países, entre eles o Grupo de Tecnoloxías Multimedia da Universidade de Vigo, vén de presentar unha folla de ruta para o desenvolvemento de novas tecnoloxías da linguaxe con potencial para facer da rica variedade idiomática de Europa un factor determinante de crecemento económico e social.

Fonte: Código Cero

O conselleiro de Cultura, Educación e Ordenación Universitaria, Xesús Vázquez Abad, presentou un novo recurso terminolóxico orientado a facilitar o uso do galego no sector da restauración. Trátase do Dicionario de alimentación e restauración galego-castelán-inglés, elaborado no seo do Servizo de Terminoloxía Científico-Técnica Galega Termigal e coordinado polo lingüista Manuel González González.

Fonte: Xunta de Galicia

O compromiso de Microsoft coas distintas linguas do Estado é cada vez maior. Windows 8 estivo dispoñible en galego dende o mesmo día do seu lanzamento oficial e pola tradución do paquete ofimático de Microsoft apenas houbo que agardar 10 días, pois xa se publicaron os paquetes de idiomas de interface de Microsoft Office 2013 correspondentes ao galego, o catalán e o éuscaro.

Fonte: Código Cero

Dende Twitter anuncian que incorporan o romanés e o galego grazas á colaboración de toda unha comunidade de tradutores que facilitaron que esta plataforma estea dispoñible en máis de 35 linguas.

Fonte: Código Cero

Os 90 000 empregados públicos da Administración autonómica e os traballadores dos concellos galegos teñen a partir de agora acceso ao Dicionario xurídico galego en liña. Esta ferramenta, froito da colaboración entre a Axencia para a Modernización Tecnolóxica, a Consellería de Cultura e Educación e mais Edicións Xerais, contribuirá á normalización da lingua propia de Galicia no ámbito xurídico-administrativo.

Fonte: Xunta de Galicia