O engadido de calidade que supón ofrecer actividades no Camiño de Santiago foi decisivo para que a Universidade de Santiago de Compostela fose elixida entre máis de corenta propostas para ser a sede na que un centenar de estudantes brasileiros entre 16 e 19 anos participen nun proxecto de inmersión lingüística, emprendemento e liderado.

Fonte: La Voz de Galicia

Vigo Dixital é un novo diario en liña centrado na actualidade da principal cidade do país, xurdido das cinzas dunha chea de medios xa desaparecidos co firme obxectivo de facer tres cousas: tirar o máximo proveito das posibilidades das novas correntes de comunicación en liña (participativas, colectivas, transparentes), informar en galego a tempo completo e achegarse á veciñanza tanto como sexa posible.

Fonte: Código Cero

A Consellería de Cultura, Educación e Ordenación Universitaria contribúe a difundir no exterior a obra de Xosé María Díaz Castro coa primeira tradución ao inglés do poemario Nimbos, realizada por John Rutherford.

Fonte: Xunta de Galicia

A Consellería de Cultura, Educación e Ordenación Universitaria organiza en Madrid as Xornadas Internacionais UCM-UNED 2014 “Literatura galega: identidade, alteridade e exilio”, por medio do Centro de Estudos Galegos (CEG) da Universidade Complutense de Madrid, dependente da Rede de Centros de Estudos Galegos da Xunta de Galicia.

Fonte: Xunta de Galicia

O secretario xeral de Política Lingüística da Consellería de Cultura e Educación, Valentín García Gómez, asistiu á inauguración da XVI edición dos Encontros para a Normalización Lingüística que, como cada ano, organiza o Centro de Documentación Sociolingüística do Consello da Cultura Galega (CCG).

Fonte: Xunta de Galicia

A Consellería de Cultura, Educación e Ordenación Universitaria colabora un ano máis co Obradoiro Internacional de Tradución Poética ‘Con barqueira e remador’, que na súa terceira edición reunirá durante unha semana na illa de San Simón, en Redondela, sete recoñecidos poetas e, á vez, tradutores literarios procedentes de diversos países.

Fonte: Xunta de Galicia

A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, participou en Braga na xornada “Perspectivas da lingua portuguesa” que organizan a Comisión Temática de Promoción e Difusión da Lingua Portuguesa dos Observadores Consultivos da Comunidade dos Países da Lingua Portuguesa (CPLP) e a Universidade do Minho.

Fonte: Xunta de Galicia

Android 5.0 Lollipop incorpora quince novas linguas entre as que figuran o éuscaro e o galego, o que permitirá que poidamos gozar dun inmenso número de smartphones en galego e facilitará que as aplicacións móbiles poidan presentárselle ao usuario nesta lingua.

Fonte: Código Cero

A Xunta de Galicia conmemorou no Parlamento o décimo aniversario da aprobación do Plan Xeral de Normalización da Lingua Galega (PXNLG) e o Día da Galeguidade Empresarial. Fíxoo a través dun acto que organizaron conxuntamente a Consellería de Cultura, Educación e Ordenación Universitaria, o Foro Enrique Peinador e a Cámara Galega.

Fonte: Xunta de Galicia

Varios concellos ourensáns traballarán para que as lápidas dos seus galegofalantes falecidos estean escritas na súa lingua. Esta iniciativa, que xorde da Asociación de Funcionarios para a Normalización Lingüística, fíxose realidade no acto de conmemoración do Día da Restauración da Memoria Lingüística de Galicia.

Fonte: La Región