O secretario xeral de Política Lingüística, Valentín García Gómez, inaugurou no Consello da Cultura Galega a XI Xornada Científica Realiter. Terminoloxía e Normalización, onde destacou o papel da terminoloxía para que unha lingua sexa útil e empregable en calquera ámbito da vida.

Fonte: O Portal da Lingua Galega

Máis de 3.500 persoas estudan portugués en Galicia ao abeiro das medidas postas en marcha pola Xunta de Galicia en prol do cumprimento da Lei 1/2014, do 24 de marzo, para o aproveitamento da lingua portuguesa e para afondar nos vínculos coa lusofonía, coñecida como Lei Paz-Andrade.

Fonte: O Portal da Lingua Galega

O Dicionario de pronuncia da lingua galega, creado pola Amtega e o Instituto da Lingua Galega, actualiza o seu repositorio engadindo 30 novos termos e algunhas correccións de sons anteriores.

Fonte: Código Cero

Despois dunha longa enfermidade, morre en Vigo un dos autores máis queridos das letras galegas, o vilalbés Agustín Fernández Paz.

Fonte: Praza Pública

A Xunta de Galicia, representada no seu secretario xeral de Política Lingüística, Valentín García, participa na Rexión Autónoma dos Azores nos actos de celebración do 40º aniversario da autonomía do arquipélago, que se desenvolven ao longo deste ano para celebrar a toma de posesión da primeira Asamblea Lexislativa dos Azores, o 4 de setembro de 1976.

Fonte: O Portal da Lingua Galega

A Secretaría Xeral de Política Lingüística concluíu na Escola Galega de Administración Pública (EGAP) a selección dos 12 novos lectores de lingua, literatura e cultura galegas que se incorporarán no curso académico 2016-2017 ás universidades de Barcelona, Bangor (Reino Unido), Heidelberg, Kiel, Leipzig (Alemaña), Varsovia (Polonia), Berlín (Alemaña), Lisboa (Portugal), Roma (Italia), Zádar (Croacia), Río de Xaneiro e San Paulo (Brasil).

Fonte: Xunta de Galicia

O titular do Goberno galego, Alberto Núñez Feijóo, avanzou que a Xunta vai promover o uso do galego no ámbito económico a través do primeiro Plan de dinamización da lingua galega no tecido económico. Este Plan ten como principal obxectivo o consenso porque busca precisamente aumentar a presenza do galego na economía e xeneralizar a convicción de que o galego no eido empresarial é útil.

Fonte: O Portal da Lingua Galega

A edición 2016 do Festival Beatleweek, herdeiro do fenómeno coñecido como “Beatlemanía”, cantará por primeira vez Os Beatles na lingua propia de Galicia da man do grupo The Funkles.

Fonte: O Portal da Lingua Galega

O Diario Oficial de Galicia publica a Resolución do 11 de xullo de 2016, da Secretaría Xeral de Política Lingüística, pola que se convoca unha nova edición das probas para a obtención dos certificados de lingua galega, niveis Celga 1, 2, 3 e 4, neste ano de 2016.

Fonte: O Portal da Lingua Galega

A Consellería de Cultura, Educación e Ordenación Universitaria destinará un total de 306 663,88 euros a renovar a súa colaboración coa Universidade de Salamanca, coa Uniwersytet Warszawski (Polonia), coa Sveucilište u Zadru (Croacia) e coas alemás Ruprecht- Karls- Universität Heibelberg, Freie Universität Berlin e Universität Leipzig.

Fonte: Xunta de Galicia