España
Aumenta a preocupación entre os mestres de aragonés polo ensino desta lingua nas escolas
O curso comeza con maior número de docentes de aragonés en infantil e primaria. Porén, a posibilidade de que estes non teñan que acreditar o nivel mínimo de coñecemento para impartilo e o incumprimento do horario semanal que debería dedicarse á súa docencia nas escolas, diminúe a calidade da ensinanza.
Fonte: Sobrarbe Digital
Reúnese o xurado para decidir os galardoados da terceira edición do Premio de Fomento da Lingua de Signos Catalá
O Premio de Fomento da Lingua de Signos Catalá, convocado pola Generalitat de Cataluña, chega á súa terceira edición. Este galardón, que se entregará no mes de outubro, conta con tres categorías nas que se premian persoas, entidades e iniciativas de fomento desta lingua.
Fonte: Generalitat de Catalunya
Cada vez é máis frecuente o emprego do asturiano na publicidade
Como produto de mercadotecnia, a publicidade pode servir para sinalar a evolución social da lingua e de novos movementos culturais que en moitas ocasións se adiantan a cambios lexislativos.
Fonte: La Voz de Asturias
O Concello de Vitoria oferta cursos, obradoiros e axudas para aprender éuscaro
O Concello de Vitoria-Gasteiz puxo en marcha a campaña Ikasi eta erabili euskara. Merezi du! para anunciar as diferentes ofertas, axudas e actividades para aprender éuscaro. O prazo para inscribirse nos 85 grupos de aprendizaxe ofertados xa está aberto.
Fonte: Gasteiz Hoy
Segundo os datos dunha enquisa, o 60 % da poboación de Arán sabe falar o aranés
Segundo os resultados da Enquisa de usos lingüísticos da poboación de 2018, elaborada pola Dirección Xeral de Política Lingüística da Generalitat de Cataluña, un 83 % da poboación entende aranés, un 73% saber ler nesta lingua e un 45% sábea escribir.
Fonte: Ara.cat
Poñen en marcha unha iniciativa para impulsar o uso do catalán nas redes sociais a través de adhesivos nesta lingua
A Plataforma per la Llengua creou trece adhesivos en catalán en formato GIF que se poderán empregar libremente en diferentes redes sociais. O obxectivo da iniciativa é impulsar o uso desta lingua en todos os ámbitos.
Fonte: DBalears
O Consorcio para a Normalización Lingüística abre o prazo de inscrición para os cursos de catalán
A nova oferta de cursos do Consorcio para a Normalización Lingüística daralles prioridade á formación das persoas chegadas recentemente a Cataluña e ás prácticas lingüísticas fóra da aula.
Fonte: Generalitat de Catalunya
A nova Dirección Xeral de Política Lingüística asturiana contará cun consello asesor
O novo Goberno do Principado quere impulsar o asturiano, como valor esencial e identitario de Asturias, cunha nova dirección xeral que contará cun Consello Asesor de Política Lingüística.
Fonte: Asturies.com
Errenteria acollerá novos cursos de éuscaro para persoas acabadas de chegar á comarca
Estes cursos básicos están dirixidos a persoas recentemente chegadas á comarca guipuscoana de Oarsoaldea para que aprendan éuscaro. Polo momento, a fase de inscrición permanece aberta e os cursos comezarán en outubro.
Fonte: Diario Vasco
Preséntase un folleto en seis idiomas para difundir a oferta de cursos de catalán que se impartirán en Palma de Mallorca
Ao longo do mes de outubro impartiranse en Palma 30 cursos de catalán especialmente dirixidos a persoas que acaban de chegar á cidade. Por este motivo, o folleto de promoción destes editouse en seis idiomas (catalán, castelán, inglés, alemán, chinés e árabe).
Fonte: 20 minutos
Boletín
Subscríbase ao boletín
