A última modificación dos plans de estudos de Maxisterio de Educación Infantil e Primaria inclúe a autorización da mención en lingua aragonesa para ambos os graos, que serán impartidos na Facultade de Educación de Huesca.  

Fonte: Lenguas de Aragón

O posto de Iniciativa polo Asturiano contará este ano coa presenza de 14 empresas, o que supón o dobre de participación respecto ao ano anterior. Todas elas empregan o asturiano para a promoción dos seus produtos e aproveitarán a magnitude deste evento, polo que se espera pasen máis de 700 000 persoas, para dalos a coñecer.

Fonte: Asturies.com

A Wikipedia en asturiano foi inaugurada en 2004, e rapidamente acadou o posto número 84 en importancia. Actualmente, atópase no posto 63, co que se sitúa como unha das linguas minorizadas con maior presenza nesta enciclopedia libre.

Fonte: Asturies.com

O libro contén vocabulario e conceptos básicos sobre fotografía, todos eles acompañados de imaxes e debuxos. Ademais, moitos dos termos incorporan tamén a posibilidade de visualizalos a través de vídeos en liña.

Fonte: Generalitat de Catalunya

O Plan Ofercat de estudo e acción de promoción dos usos lingüísticos chegará este outono a 4525 comercios de 10 cidades de Cataluña. O obxectivo desta iniciativa é coñecer a oferta lingüística destes establecementos comerciais e poñer en marcha neles accións de fomento do catalán.

Fonte: La Vanguardia

O Goberno vasco entregoulles a 116 coidadoras/as de residencias o certificado do nivel B2 de éuscaro co obxectivo de que as persoas usuarias destes servizos poidan recibir atención nesta lingua.

Fonte: El Diario Vasco

O Consorcio para a Normalización Lingüística (CPNL) e a Fundación puntCAT asinaron un convenio de colaboración para impulsar o uso do catalán en contornos dixitais nos ámbitos empresarial e do comercio local.  

Fonte: Generalitat de Catalunya

Aragonario, o dicionario en liña para a tradución de castelán a aragonés, acaba de duplicar o número de entradas, que xa están próximas ás 18 000. Ademais, daralles cabida ás variedades dialectais, comezando polo benasqués, para, paulatinamente, ir incorporando outras.

Fonte: El Periódico de Aragón

Esta obra foi editada e publicada pola Fundación Jaume III baixo a denominación Es Petit Príncep, logo da iniciativa particular do editor catalán Jaume Arbonés. A encargada da tradución foi a filóloga Sandra Amoraga Carrera.

Fonte: ABC

A conmemoración celebrouse no concello barcelonés de Arenys de Mar coa colaboración do Círculo Occitano e da Concellería de Cultura. Tamén participou o director do Centro Interrexional de Desenvolvemento do Occitano.

Fonte: Generalitat de Catalunya