España
Persoas estranxeiras que viven en Cataluña comezan unha campaña para que lles falen en catalán
Baixo o lema “Non me cambies a lingua” procuran que quen que fala catalán habitualmente evite cambiar ao castelán cando conversa con persoas de fóra, xa que así os axudarán a aprendela.
Fonte: Nació digital
O prazo de inscrición para os cursos gratuítos de éuscaro en Donostia permanecerá aberto ata o 20 de setembro
Estes cursos, que se impartirán durante o mes de outubro, están dirixidos a persoas desempregadas empadroadas na cidade que poderán inscribirse dende o 2 de setembro.
Fonte: Donostia
Un concerto en Menorca reivindicará o uso do catalán
O evento terá lugar o 31 de agosto no auditorio municipal e nel participarán artistas de Menorca co obxectivo de reivindicar o uso da lingua catalá e promover a música feita na illa.
Fonte: Racó Català
O Concello de Plentzia inicia unha campaña para animar a cidadanía a empregar o éuscaro diariamente
Esta campaña, que chegará tamén ao comercio e á hostalería local, convida as persoas que pasan polo centro da vila a empregar o éuscaro de maneira cotiá a través de sete ilustracións con mensaxes nesta lingua.
Fonte: Deia
A Deputación Foral de Biscaia destinará unha partida de 150 000 euros á Durangoko Azoka, cita literaria e musical en éuscaro
A Deputación Foral de Biscaia aprobou esta axuda destinada á entidade organizadora do evento literario e musical en éuscaro, que se celebrará no vindeiro mes de decembro.
Fonte: Deia
Convócase o V Premio Internacional de Poesía en éuscaro Xabier Lete
Este certame ten como obxectivo promover e apoiar as entidades e creadores que difunden a cultura e a arte na comunidade e conta cunha dotación de 12 000 euros. O prazo de recepción das obras remata o 5 de decembro.
Fonte: Noticias de Guipuzkoa
Apróbanse en Menorca as axudas para o fomento do uso do catalán
O valor total das subvencións ascende a 39 183 euros, destinadas a promover o catalán na produción de libros, música e audiovisual; para fomentar a presenza desta lingua en empresas e no deporte; e para apoiar, en xeral, actividades de dinamización lingüística.
Fonte: Sóller
O Concello de Palma de Mallorca pon en marcha un servizo de dinamización lingüística
O novo servizo de dinamización para o coñecemento e uso do catalán estará dotado para a súa posta en funcionamento de 85 000 euros, cos que se organizarán distintas iniciativas de normalización lingüística.
Fonte: Diario de Mallorca
Reivindican no Certame de Arenas o uso oficial da toponimia en asturiano
Esta reivindicación realizouse durante o pregón do certame, no que se defendeu a lingua asturiana como parte inherente da cultura do Principado.
Fonte: La Nueva España
O Plan de turismo de Donostia aposta, nun dos seus eixes de acción, por promover a lingua e a cultura vascas
No marco do Plan de turismo de Donostia puxéronse xa en marcha dúas campañas co éuscaro como protagonista, o “Basque Challenge”, que conseguiu case 500 000 visualizacións, 4000 interaccións en redes sociais e 585 participantes, ou o “Easy Guide to Euskara”.
Fonte: Hosteltur
Boletín
Subscríbase ao boletín
