A iniciativa do Goberno Vasco para impulsar o uso cotián do éuscaro, Euskaraldia, pasará a ter periodicidade bienal e a súa duración será agora de 15 días.

Fonte: Deia

O filme O que arde do director galego Óliver Laxe competirá polo Premio do Público na próxima edición do Festival Internacional de Cinema de San Sebastián. Pola súa banda, o cineasta galego Eloy Enciso levará o seu filme Longa Noite ao festival de cinema de Locarno (Suíza).

Fonte: Cultura Galega

A iniciativa da Universidade Asturiana de Verán (UABRA), que conta coa colaboración da Academia da Lingua Asturiana e a Universidade de Oviedo, inclúe este ano unha primeira edición do curso de galego-asturiano para mestres e un de capacitación para a tradución ao asturiano.  

Fonte: La voz de Asturias

Segundo o informe de Comercio Interior do Libro 2018 da Federación de Gremios de Editores de España, o sector editorial español rexistrou un incremento da súa facturación por quinto ano consecutivo grazas á fortaleza do libro en papel. O mesmo informe revelou que no caso do libro dixital hai un estancamento das vendas.

Fonte: Cultura Galega

A Plataforma pola Oficialidade do Galego-Asturiano e a Xunta pola Defensa da Lingua Asturiana criticaron que o acordo de investidura entre a Fundación Socialista Asturiana (FSA) e Esquerda Unida (EU) nomee o galego-asturiano como "eo-naviego".

Fonte: 20 minutos

A Xunta pola Defensa da Lingua Asturiana criticou que os grupos políticos FSA (Federación Socialista Asturiana) e Esquerda Unida, que asinaron o acordo para gobernar a rexión, non se comprometan claramente coa oficialidade do asturiano.

Fonte: El Comercio

A Revista de Llengua i Dret, editada pola Escola de Administración Pública de Cataluña, organizará a xornada "40 anos de lexislación lingüística" que analizará o pasado, presente e futuro das normas en materia lingüistica de Cataluña.

Fonte: Generalitat de Catalunya

Un grupo de investigación da Universidade Carlos III de Madrid conseguiu que un humanoide chamado TEO poida comunicarse en lingua de signos grazas a un estudo sobre a interacción entre robots e persoas xordas. 

Fonte: Noticias de la Ciencia

O Festival Noites de cinema oriental de Vic ten como obxectivo achegarnos á cultura asiática a través do cinema coa proxección de sete películas en versión orixinal subtituladas en catalán.

Fonte: Generalitat de Catalunya

A directora da Sección de Lingua da Real Academia Galega, Rosario Álvarez, participou na xornada sobre as gramáticas no século XXI organizada por Euskaltzaindia na cidade de Donosita. 

Fonte: RAG