Trátase do único manuscrito coñecido da obra Gramàtica Catalana do xurista Pau Cardellach. O Departamento de Filoloxía e Comunicación da Universidade adquiriuno entre 2004 e 2005 e inclúeo agora no repositorio dixital da biblioteca. O Instituto de Estudos Cataláns prevé tamén publicar unha edición comentada da obra.
 
 Fonte: Catalunya Press

Estas fichas foron elaboradas coa colaboración de GeoEuskadi e recollen, ademais dos topónimos oficiais e preferentes, abundante información en relación coa súa evolución e uso. Esta información será empregada de xeito oficial no ámbito nacional e internacional. 

Fonte: La Vanguardia

Fixérono a través dun comunicado no que avogan pola protección xurídica destas linguas. Reclaman a creación dunha estratexia nacional baseada no seu recoñecemento como transmisoras de ideas e coñecemento e na necesidade de respectar os dereitos lingüísticos das persoas xordas.

Fonte: Servimedia

O novo decreto incidirá a partir de agora nos espazos lectivos non universitarios, principal novidade da norma, ademais de entrar a valorar a perspectiva de xénero. O seu obxectivo fundamental é regular a articulación entre os proxectos de normalización lingüística do éuscaro nos centros educativos de Euskadi. 

Fonte: Noticias Press

Aínda que xa era posible realizar os exames de Selectividade en occitano en toda Cataluña, onde é oficial, agora tamén se formularán as probas neste idioma. É posible grazas ao acordo asinado entre o Goberno catalán, o Consello Xeral de Aran e a Universidade de Lleida co obxectivo de fomentar o coñecemento, o uso e a normalización do occitano.

Fonte: Generalitat de Catalunya

Nas colonias multideportivas trilingües, nenos e nenas de entre 8 e 14 anos poderán gozar de diferentes actividades deportivas en tres modalidades lingüísticas: bilingüe, éuscaro e inglés. Isto suporá a oportunidade de reforzar o aprendido durante o curso e darlle utilidade fóra das aulas.

Fonte: En Barakaldo

Esta cátedra terá a finalidade de impulsar a creación de actividades de difusión e o recoñecemento dos dereitos lingüísticos e o multilingüismo. Estará apoiada economicamente pola Consellería de Educación na realización e a promoción de labores de investigación e divulgación académica mediante programas de bolsas, que axudarán a consolidar esta universidade como referente no estudo e a docencia en valenciano. 

Fonte: La Vanguardia

Estas medidas presentáronse no marco do congreso anual da Rede Europea para a Promoción da Diversidade Lingüística, durante unha xornada sobre recoñecemento do patrimonio cultural e lingüístico como instrumento de dinamización económica, este ano dedicada ao recoñecemento do occitano.

Fonte: Generalitat de Catalunya

Trátase dunha plataforma informativa, creada a través da aplicación móbil Telegram, para difundir entre a veciñanza as actividades organizadas en éuscaro. A idea, impulsada por Akebai, está sendo promovida en Eibar coa colaboración de diferentes colectivos. A información será xestionada na súa totalidade polas organizacións que colaboran nesta iniciativa.

Fonte: El Diario Vasco

Esta aplicación, dirixida especialmente a persoas xordas ou con deficiencias auditivas, recoñece voz e sons en tempo real e de xeito automático e transcríbeos a texto. En total recoñece setenta linguas, entre as que se atopa o catalán.

Fonte: Generalitat de Catalunya