Xa foron publicados os premios aos mellores proxectos de fin de carreira en éuscaro. Neste caso, foron uns estudantes da Escola Politécnica Superior da Unversidade de Mondragón os galardoados. 

Fonte: Diaro Vasco

Co obxectivo de fomentar o uso do aragonés e a creación literaria nesta lingua nas redes sociais Facebook e Twitter, convócase a quinta edición do certame de escritura de haikus no que se poderá participar ata o 15 de xuño.

Fonte: AraInfo

Segundo a Plataforma per la Llengua, a maioría dos partidos políticos do arquipélago balear comprometeuse a adoptar total ou parcialmente as súas propuestas de cara ás eleccións do 26 de maio.

Fonte: La Vanguardia

A Área de Éuscaro e Educación do Concello de Bilbao abriu, de novo, a convocatoria de axudas a pais, nais e monitores de tempo libre que desexen aprender o idioma. Esta subvención, que o ano pasado cubriu a 299 persoas, axudaría a aboar a aprendizaxe da lingua, dotación que se concederá en función dos criterios que se esixen nas bases.

Fonte: La Vanguardia

Este ano volve celebrarse Euspot, un concurso de anuncios en éuscaro. Nesta ocasión, presentáronse 98 traballos, 25 máis que o ano pasado. Para decidir o gañador, está xa aberto o voto popular, co que cada votante poderá elixir o anuncio que máis lle guste de entre os presentados.

Fonte: El Diario Vasco

O 23 de maio preséntase un libro de filosofía en lingua de signos catalá nun acto que se celebrará na sede do Departamento de Cultura. Trátase do segundo libro dunha colección sobre historia da filosofía, editado pola Asociación Illescat, co apoio de distintas institucións públicas. 

Fonte: Generalitat de Catalunya

A Obra Cultural Balear (OCB) reclamoulles aos actuais e próximos gobernantes das illas que activen a Oficina de Dereitos Lingüísticos. Trátase dun espazo que xa estaba previsto nos orzamentos de 2018 pero que non chegou a materializarse.

Fonte: La Vanguardia

A Consellería de Cultura, Participación e Deportes do Goberno balear puxo en marcha unha acción de fomento do catalán na hostalería. A finalidade será mellorar a  sinalización de bares e restaurantes, para o que se distribuirán 35 000 adhesivos a través das asociacións de bares e restaurantes e da Dirección Xeral de Política Lingüística.

Fonte: La Vanguardia

A Fundación Puntueus, responsable do dominio web .eus, fixo un chamamento a reforzar a oferta de contidos dixitais en éuscaro, con motivo da celebración do Día de Internet. Recalcaron que a súa vitalidade dixital mellorou, xa que os contidos publicados a través dos dominios .eus son maioritariamente nesta lingua, aínda que falta presenza noutras áreas, como a audiovisual.

Fonte: eitb

Entidades locais de Navarra crearon, a través dos seus servizos de éuscaro, a páxina web 'elaide.eus', dirixida a quen queira coñecer o idioma. Trátase dunha plataforma que ofrece apoio e recursos a quen está a aprender esta lingua, co fin último de pór o éuscaro e a cultura euscalduna ao alcance das persoas interesadas.

Fonte: Diario Vasco