O ensino do castelán é unha actividade que xera ao ano en España un volume de negocio de 462 millóns de euros e dá emprego estable a 5.500 persoas. Industria que xa atrae a 240.000 estranxeiros e con enorme potencial de crecemento pola crecente difusión que o castelán experimenta en todo o mundo, especialmente en Estados Unidos e Brasil.

Fonte: La Vanguardia

A Viceconsellería de Política Lingüística do Goberno vasco destinará este ano cerca de 54 millóns de euros a programas dirixidos tanto á euscaldunización e alfabetización de adultos como á promoción do uso do éuscaro en distintos ámbitos da vida social e económica. A partida destinada polo Executivo de Ibarretxe ao fomento da lingua vasca aumentou un 60% nos últimos catro anos.

Fonte: El Correo Digital

A coordinadora de EUPV e deputada autonómica nas Cortes Valencianas, Glòria Marcos, esixiulle ao Consell medidas para combater os "baixísimos" índices de uso do valenciano. Ademais, anunciou que preguntará na Cámara sobre as actuacións que o Consell ten previstas para incrementar a utilización do valenciano, xa que, ao seu xuízo, "o panorama é desolador e, para comprobalo, unicamente debemos recorrer ás cifras".

Fonte: El País

O lanzamento dunha cuarta canle en novembro e a renovación da sede de Miramón en San Sebastián son os principais obxectivos do ente público EITB (a televisión vasca) para 2009, segundo explicaron os seus directivos ao presentar o balance do exercicio pasado. A nova canle, ETB-4, será de carácter informativo, aberta á participación da audiencia e multilingüe. A novidade está en que, ademais do castelán e o éuscaro (que sumarán o 90% dos contidos), o francés e o inglés integraranse tamén na súa programación para alcanzar maior difusión no estranxeiro. O ente deixa tamén a porta aberta ao uso doutras linguas minoritarias estatais, como o catalán e o galego.

Fonte: El País

Poucos proxectos tiveron tanto consenso como este. O Instituto Etxepare comeza a súa andaina este mércores 7 de xaneiro co obxectivo de difundir a lingua e a cultura vascas en todo o mundo. Máis de 2.000 persoas estudan éuscaro en América, Europa e Australia.

Fonte: Noticias de Gipuzkoa

O Consorci pel Foment de la Llengua Catalana i la Projecció Exterior de la Cultura de les Illes Balears (COFUC) adoptou un conxunto de medidas co obxectivo de dar resposta ao incremento de demanda de formación en catalán para os traballadores do sector da sanidade.

Fonte: EcoDiario

Un total de 3280 alumnos de Castela-A Mancha beneficiaranse da convocatoria de actividades para a mellora da competencia lingüística no estranxeiro e na rexión durante os meses de verán durante o próximo curso 2009-2010.

Fonte: Europa Press

A reforma da formación inicial do profesorado que a partir do mes de setembro se porá en marcha en toda España esixirá a todos os docentes o coñecemento dunha lingua estranxeira polo menos.

Fonte: Europa Press

Uns 1.600 adultos de orixe estranxeira están a estudar éuscaro nos euskaltegis públicos e homologados da Comunidade Autónoma Vasca (CAV), o 4% do alumnado total, unha cifra que se triplicou desde 2001-2002, cando foron 476 os que se animaron a dar ese paso.

Fonte: Deia

O vicealcalde de León e presidente de Unión del Pueblo Leonés, Javier Chamorro, desautorizou o concelleiro de Educación e Cultura Leonesa, o tamén leonesista Abel Pardo, ao vetar os propósitos do edil de normalizar ao largo de 2009 o uso compartido do leonés e o castelán na documentación oficial do Concello.

Fonte: El Mundo