A comisión de cultura do Parlamento de Cataluña aprobou unha proposta de resolución de apoio ao uso social da lingua occitana en todos os seus territorios. Deste xeito, contribuirase ao avance do uso social do occitano, xa que se establecerán vínculos políticos e culturais coas entidades occitanas.

Fonte: Avui

O presidente do Senado, Javier Rojo, defendeu o uso de linguas cooficiais na Cámara Alta porque están "amparadas" pola Constitución e afirmou que nos parlamentos autonómicos tamén hai tradutores e "non pasa nada".

Fonte: Europa Press

O asubío da Gomera podería converterse en breve en materia regrada e obrigatoria, e podería estudarse en colexios e institutos como unha materia máis.

Fonte: RTVC

As webs dos medios da Corporación Catalá de Medios Audiovisuais (CCMA) incorporarán un 'widget' que avisa os usuarios que non teñen o navegador configurado en catalán e invita a facelo "de forma sinxela", no marco da campaña 'Navega en català' da Fundación PuntCat.

Fonte: PortalTIC

O Departamento de Educación do Goberno Vasco quere promover o ensino en tres linguas, éuscaro, castelán e un idioma estranxeiro, e para iso vai implantar o ano que vén un programa experimental con 40 centros públicos e concertados.

Fonte: Noticias de Álava

Nos últimos anos, desde o Consorcio para a Normalización Lingüística avanzouse para achegar a lingua catalá a máis de 90 países de todo o mundo. Grazas a novas ferramentas, como o portal Parla.cat, "diversificouse a formación en lingua catalá", tal e como explicou o secretario de Política Lingüística da Generalitat de Catalunya, Bernat Joan.

Fonte: Avui

O Goberno español informa que antes de que remate o 2010, “haberá acceso en lingua galega á web de Paradores”. O Goberno xustifica a presenza do catalán desde hai varios anos, “polo alto número de clientes procedentes de Cataluña” e explica que “desde hai máis dun ano, Paradores está a realizar unha profunda reforma da web na que se inclúe o acceso en galego”.

Fonte: Código Cero

A conselleira de Xustiza e Administracións Públicas, Paula Sánchez de León, anunciou que se vai poñer en marcha un plan de fomento do valenciano na Administración da Generalitat, a pesar de que recoñeceu que hai "un bo nivel de coñecemento do valenciano".

Fonte: ADN

O éuscaro non se emprega suficientemente na Administración vasca, pese aos "coñecementos que xa teñen adquiridos a maioría dos funcionarios". A conselleira de Xustiza e Administración Pública, Idoia Mendia, respondeu así no pleno de control do Parlamento.

Fuente: El País

Os centros escolares con programas de incorporación progresiva ao valenciano (PIP) verán limitada a súa opción de ampliar o uso da lingua propia a outras materias, ademais das establecidas por lei que son Lingua valenciana e Coñecemento do medio.

Fonte: El País