España
A canle IB3 comeza a emitir películas en formato multilingüe
IB3 comeza a emitir películas en formato multilingüe, o que permitirá aos espectadores das Illas Baleares seguir as longametraxes do espazo 'Cinema' en catalán, castelán ou na súa versión orixinal.
Fonte: Formula TV
A Generalitat de Catalunya dará a coñecer o catalán aos turistas a través dos comercios
A Generalitat de Catalunya e a Confederación de Comercio de Cataluña presentaron a campaña 'Oberts al català' (Abertos ao catalán), dirixida aos turistas e aos profesionais do comercio, especialmente aos de orixe estranxeira.
Fonte: Europa Press
Tan só un 6,8 % dos alumnos de primaria da concertada estuda asturiano
O 56,6 % dos alumnos de primaria na escola pública asturiana matriculouse este curso na materia de Lingua asturiana, unha porcentaxe superior nun punto á do pasado ano. Pero as cifras, na concertada, seguen sendo especialmente baixas, con tan só un 6,8 % do total de matriculados.
Fonte: La Nueva España
Un libro de estilo axudará aos xuíces a emitir sentenzas en catalán
Un libro de estilo axudará a partir de agora aos xuíces a emitir as sentenzas en catalán, xa que durante os últimos anos só se emite neste idioma unha de cada cinco sentenzas.
Fonte: ABC
O Goberno de Cataluña destina un millón de euros a fomentar o catalán entre os inmigrantes
O Goberno de Cataluña aprobou outorgar unha subvención dun millón de euros ao Consorcio para a Normalización Lingüística co fin de fomentar a aprendizaxe do catalán entre os inmigrantes.
Fonte: Avui
O Parlamento catalán recoñece a oficialidade do aranés
O Parlamento de Cataluña aprobou a Lei do Occitano (aranés en Arán), que recoñece o aranés como lingua oficial de Cataluña e se compromete a implicarse na protección e difusión da lingua propia do Val de Arán.
Fonte: Europa Press
Un estudo determina que os habitantes das Illas Baleares falan 160 linguas
O estudo As linguas nas Illas Baleares. Anos 2008-2010 realizado por Linguamón-Casa das Linguas e a Universidade das Illas Baleares (UIB) determina que os habitantes das Illas falan máis de 160 linguas.
Fonte: ABC
O Goberno español prepara unha lei para atender o cidadán na súa propia lingua
O vicepresidente terceiro do Goberno español, Manuel Chaves, reiterou a vontade do Goberno de corrixir os fallos no uso de linguas cooficiais na Administración, e anunciou que o seu Ministerio prepara un proxecto de lei para que os cidadáns poidan dirixirse na súa lingua a determinados órganos do Estado.
Fonte: La Vanguardia
O dominio dunha lingua cooficial española será considerado mérito preferente na carreira xudicial
Saber galego, catalán ou vasco, ou coñecer Dereito Civil especial ou foral premiará na carreira xudicial. O borrador do novo regulamento da xudicatura introduce beneficios para os xuíces ou maxistrados que teñan formación específica nesta materia.
Fonte: La Voz de Galicia
España é o cuarto país da UE no que menos adultos falan idiomas estranxeiros
España é o cuarto país da UE en que menos adultos falan un idioma estranxeiro, por detrás de Romanía, Hungría e Portugal, segundo unha enquisa publicada por Eurostat, a oficina comunitaria de estatística.
Fonte: La Razón
Boletín
Subscríbase ao boletín
