España
Os departamentos vascos de Sanidade e Interior centran as queixas por vulnerar o uso do éuscaro
A presunta vulneración de dereitos lingüísticos dos euscaldúns nas ofertas de emprego de Osakidetza (Servizo Vasco de Saúde) e no trato recibido por parte do Departamento vasco de Interior centran as queixas presentadas polos cidadáns que falan en éuscaro, segundo o informe que presentou a directora do Observatorio de Dereitos Lingüísticos (Behatokia), Garbiñe Petriati.
Fonte: Diario Vasco
A Plataforma pola Lingua denuncia que o catalán é a lingua máis desprotexida de Europa
A Plataforma pola Lingua presentou tres informes en que denuncia que o catalán é a lingua máis desprotexida de Europa en relación co número de falantes e destaca a marxinación deste idioma cooficial nas webs das institucións españolas.
Fonte: ABC
A Consellería valenciana de Educación di que o modelo plurilingüe se revisará nun "futuro inmediato"
O conselleiro valenciano de Educación, Alejandro Font de Mora, asegurou que o seu departamento traballa para que no futuro sexan compatibles os intereses das ensinanzas en valenciano e en castelán.
O Goberno catalán asina un acordo co Decanato de Rexistradores da Propiedade de Cataluña para fomentar o uso do catalán
O vicepresidente do Goberno catalán, Josep-Lluís Carod-Rovira, a conselleira de Xustiza, Montserrat Tura, e o decano dos Rexistradores da Propiedade, Mercantil e de Bens Mobles de Cataluña, Antonio Giner, asinaron un acordo marco de colaboración para impulsar conxuntamente accións de fomento do uso do catalán nos rexistros e garantir os dereitos lingüísticos da cidadanía para poder escoller a lingua oficial dos asentamentos rexistrais, as certificacións e a atención oral.
Fonte: Generalitat de Catalunya
A cátedra Linguamón-UOC pon en marcha o posgrao en xestión da diversidade lingüística e cultural
O programa diríxese a todos os profesionais que queiran afondar na xestión do multilingüismo e en todas as súas vertentes, como o mundo educativo, a inmigración, a empresa e as novas tecnoloxías.
Fonte: Linguamón
O Parlamento de Cataluña aproba unha resolución para garantir o acceso ao catalán a cegos e xordocegos
O Parlamento catalán aprobou unha resolución para garantir a aprendizaxe, a educación, o uso e o acceso ao catalán para persoas xordas e xordocegas.
Fonte: Europa Press
O Plan de plurilingüismo de Castela-A Mancha procurará que os alumnos dominen, polo menos, unha lingua estranxeira
A conselleira de Educación, Ciencia e Cultura de Castela-A Mancha, María Ángeles García, adiantou que a Junta deseñou o que denomina o Plan de plurilingüismo "co fin de que todos os alumnos e alumnas da rexión dominen polo menos un idioma estranxeiro e teñan así a posibilidade de integrarse, estudar ou traballar en calquera país da Unión Europea".
Fonte: Voces de Cuenca
Alumnos da Universidade de Málaga traballan nun programa para traducir ao instante a lingua falada á de signos
Un grupo de alumnos de Enxeñería Informática da Universidade de Málaga (UMA) está a traballar na creación dun programa destinado a persoas con discapacidade auditiva comunicativa, que permita traducir ao instante a lingua falada á de signos e viceversa.
Fonte: 20 minutos
O ministro español de Xustiza buscará vías para que o portal europeo E-Justice estea dispoñible nas linguas cooficiais
O ministro español de Xustiza, Francisco Caamaño, sinalou que "buscará vías de convenio" para que o portal de xustiza europeo E-Justice estea accesible nas linguas cooficiais do Estado.
Fonte: ABC
O Goberno español regula o Centro de Normalización da Lingua de Signos
O Consello de Ministros aprobou a regulación do Centro de Normalización Lingüística da Lingua de Signos Española co obxectivo de investigar, fomentar e difundir esta lingua, así como velar polo seu bo uso. Entre as funcións do Centro destaca tamén a de converterse en Observatorio da Lingua de Signos Española.
Fonte: ADN
Boletín
Subscríbase ao boletín
