A Obra Cultural Balear (OCB) pedirá reunirse cos responsables de política lingüística, cos presidentes de todas as institucións das Illas Baleares e cos alcaldes de Mallorca para presentarlles o seu plan para fomentar o uso do catalán durante o último ano de lexislatura.

Fonte: ABC

O Goberno vasco demorará durante un ano a aplicación do decreto que obriga o comercio a atender en éuscaro. Para iso, procedeu a modificar o Decreto sobre os dereitos lingüísticos das persoas consumidoras e usuarias co obxecto de que o cumprimento das obrigas lingüísticas contidas nel se atrase durante un ano.

Fonte: Europa Press

A experta en didáctica da lingua do Departamento de Educación da Universidade Jaume I (UJI), Isabel Ríos, destacou a necesidade de aplicar a normativa do sistema educativo valenciano, "xa que é das mellores", aínda que a súa implantación é "bastante deficitaria", co fin de garantir a aprendizaxe bilingüista "real" de todos os escolares nas dúas linguas propias (valenciano-castelán) e a introdución "correcta" do inglés como terceira lingua.

Fonte: Levante-emv

O Goberno vasco aprobou a convocatoria das axudas ao alumnado que superase durante o curso 2009-10 os exames de acreditación de niveis de éuscaro de HABE (Instituto para a Euscaldunización e Alfabetización de Adultos) ou os seus equivalentes.

Fonte: ABC

Catro das cinco aeroliñas que transportan máis pasaxeiros na área lingüística catalá utilizan esta lingua na megafonía e nas súas páxinas web, segundo un estudo da Plataforma pola Lingua.

Fonte: Finanzas

As guías de conversación de valenciano e outro idioma como inglés ou francés xa se poden descargar no teléfono móbil, segundo anunciou o conselleiro de Educación, Alejandro Font de Mora.

Fonte: Qué!

O Consorcio para o Fomento da Lingua Catalá (COFUC) e o Servizo de Saúde balear editaron unha guía básica de conversación sanitaria en catalán para os profesionais residentes que non coñecen o idioma autóctono das illas.

Fonte: ABC

O Parlamento de Cataluña aprobou por unanimidade unha iniciativa de CiU para que as canles de Radio Televisión Española que se captan na comunidade autónoma incorporen a opción de audio en catalán.

Fonte: PR Noticias

A Consellería de Turismo presentou a guía "Aprender Español/Learn Spanish", que potenciará o turismo idiomático dentro da súa estratexia de segmentación para axudar a desestacionalizar o sector.

Fonte: ABC

O colectivo berciano Fala Ceibe pretende obter o recoñecemento expreso da lingua galega na reforma da Lei da comarca do Bierzo, que nas próximas semanas aprobará o Consello de Goberno da Junta de Castilla y León.

Fonte: La Región