Euskal Herrian Euskaraz e Bai Euskal Herriari convocaron unha concentración contra a política sobre o éuscaro do Concello de Donostia que, baixo o lema 'Odon, you need Spain, baina gu euskaldunak gara! (Odón, ti necesitas España, pero nós somos vascos), se celebra o venres 20 de agosto.

Fonte: Deia

A Fundación Camiño da Lingua Castelá preparou un catálogo con varios paquetes turísticos sobre esta ruta, que trata de ser unha viaxe para descubrir o berce, os silencios e os trazos máis axitados do castelán.

Fonte: Público

O comité de empresa denunciou ante a Inspección de Traballo a paralización en que se atopa o Plan de Éuscaro que debía poñerse en marcha dentro de Metro Bilbao.

Fonte: Deia

A valedora do pobo en funcións, María Luisa Cava de Llano, recorreu ante o Tribunal Constitucional a Lei catalá de acollida de inmigrantes porque fixa o catalán como lingua preferente no proceso de aprendizaxe dos estranxeiros empadroados en Cataluña.

Fonte: El País

Catorce colexios de todo Aragón sumaranse en setembro ao programa de ensino de idiomas que permite que os nenos aprendan unha segunda lingua desde quinto de primaria, no canto de esperar a secundaria.

Fonte: Heraldo

Un total de 300 centros educativos adheriuse ao Plan experimental de linguas estranxeiras, de xeito que xa son 1345 os centros que, en Cataluña, potencian o uso dunha terceira lingua mediante distintos proxectos.

Fonte: ABC

Sete de cada dez alumnos asturianos menores de seis anos xa estudan unha lingua estranxeira no colexio. Os centros asturianos só ofrecen inglés, pero outras rexións tamén teñen francés e alemán.

Fonte: La Voz de Asturias

O valedor do Pobo valenciano (Síndic de Greuges), José Cholbi, reprendeu a Generalitat por vulnerar a Lei de uso e ensino do valenciano nunha queixa por discriminación lingüística. O valedor recordoulle ao Goberno que o Estatuto o obriga a "respectar e protexer a recuperación do valenciano".

Fonte: Levante

A deputada de Esquerda Unida nas Cortes, Marina Albiol, anunciou que a seva formación solicitará a comparecencia na cámara do conselleiro de Educación, Alejandro Font de Mora, para debater sobre a situación do valenciano.

Fonte: El Punt

O presidente de Mediapro, Jaume Roures, instou a que a Lei do cine aprobada en xullo polo Parlamento catalán incorpore medidas para incentivar o consumo de cine en catalán, entre as que propuxo a creación dunha rede pública de salas de cine e a posibilidade de que as entradas sexan máis baratas.

Fonte: El Mundo